सांगोला – सांगोल्यातील वामनराव शिंदे साहेब आदर्श विद्यालयात ७७ वा भारतीय प्रजासत्ताक दिन उत्साहात साजरा करण्यात आला. संस्थाध्यक्षा कौशल्यादेवी शिंदे यांच्या हस्ते ध्वजारोहन करण्यात आले.
यानंतर समर्थ विद्यार्थी-समर्थ भारत संकल्प या उपक्रमा अंतर्गत संकल्प अभियान प्रशालेत राबवण्यात येवून विद्यार्थ्यांकडून सामुदायिक प्रतिज्ञा व वाचन घेण्यात आले. या अभियानाचा मुख्य उद्देश सचिव निलकंठ शिंदे यांनी मनोगतात सांगितला. या कार्यक्रमाचे प्रास्ताविक मुख्याध्यापक आर.एम.पवार यांनी केले.
यावेळी विद्यार्थ्यांना खाऊ वाटप करण्यात आले. ध्वजारोहणास मानवंदना एस.एस.कुंभार यांनी दिली. याप्रसंगी सर्व शिक्षक, शिक्षकेतर कर्मचारी उपस्थित होते.
