माळशिरस : जिल्हा परिषद व पंचायत समितीच्या निवडणुकीसाठी उद्या मतदान होत असून या मतदान प्रक्रियेसाठी साहित्या सह कर्मचारी रवाना झाले असल्याची माहिती निवडणूक निर्णय अधिकारी विजया पांगारकर यांनी दिली.
जिल्हा परिषदेच्या नऊ गटासाठी व पंचायत समितीच्या अठरा गणांसाठी उद्या ३६३ मतदान केंद्रावर मतदान होत असून सकाळी साडेसात ते साडेपाच पर्यंत मतदान होणार आहे या मतदानासाठी आज माळशिरस येथील शासकीय धान्य गोदाम येथून मतदानाच्या साहित्यासह कर्मचारी रवाना झाले आहेत. आज सकाळपासूनच धान्य गोदामात कर्मचारी अधिकारी व पोलीस यांची गर्दी झाली होती कर्मचाऱ्यांना प्रशिक्षण दिल्यानंतर त्यांना साहित्याचे वाटप करण्यात आले
या निवडणुकीच्या मतदानासाठी ३६३ मतदान केंद्रे आहेत.३६३ केंद्रासाठी ३६३ BU व ३६३ CU व १०८ राखीव अशी ४७१ मतदान यंत्रे तयार करण्यात आली आहेत. या मतदान केंद्रासाठी ३६३ केंद्राध्यक्ष, ३६३ सहाय्यक केंद्राध्यक्ष, इतर अधिकारी ७२६ शिपाई ३६३ झोनल अधिकारी ३७ यांच्या नेमणुका करण्यात आल्या आहेत .प्रत्येक मतदान केंद्रावर एक पोलीस अथवा एक होमगार्ड यांची नियुक्ती करण्यात आली आहे. या मतदान केंद्रावर जाण्यासाठी ८२ मार्ग तयार करण्यात आले असून या मतदान केंद्रावर जाण्यासाठी ४७ एस टी बस, ३५ जीप ठेवण्यात आल्या होत्या.
निवडणूक निर्णय अधिकारी यांनी विजया पांगारकर यांनी वेळोवेळी स्पीकर वरून पोलीस नोडल अधिकारी यांना साहित्य ताब्यात घेताना आपले कर्मचारी नेमून दिलेल्या पथकासोबत उपस्थित नाहीत असे वारंवार सांगून सुद्धा पोलीस कर्मचारी उपस्थित राहत नसल्याने याबाबत पोलिस अधिकाऱ्यांना बोलवून सूचना दिल्या व त्यांच्या कामाबद्दल नाराजी व्यक्त केली.
