मुंबईच्या महापौरपदी मराठीच असणार! भाजपाच्या रितू तावडेची निवड निश्चित

मुंबई – आशिया खंडातील सर्वात श्रीमंत महापालिका असलेल्या बृहन्मुंबई महापालिकेत मराठी महापौर करण्याचा भाजपाने दिलेला शब्द पाळला आहे. त्यासाठी जेष्ठ नगरसेविका रितू तावडे यांचा उमेदवारी अर्ज शनिवारी दाखल केला. तर उपमहापौर पदावर शिवसेना शिंदे गटाचे नगरसेवक संजय घाडी यांनी अर्ज दाखल केला.

दरम्यान, प्रमुख विरोधी पक्ष असलेल्या शिवसेना उद्धव ठाकरे गटाने उमेदवार उभा करणार नसल्याचे जाहीर केल्याने तावडे यांची निवड निश्चित मानली जात आहे. 11 फेब्रुवारीला त्यावर शिक्कामोर्तब होणार आहे.

मराठीच्या मुद्दावर रंगलेल्या निवडणुकीत महायुतीने सर्वाधिक 118 जागा जिंकल्या.  प्रचाराच्या रणधुमाळीत भाजपाने मुंबईचा महापौर हिंदू आणि मराठीच असणार असल्याचे जाहीर केले होते.निकालात भाजपाने 79 तर शिवसेना शिंदे गटाने 29 जागा पटकावित बहुमत मिळविले. त्यामुळे 44 वर्षानंतर भाजपाचा मुंबईत पहिल्यांदा महापौर बसणार आहे.  महायुतीच्या शनिवारी झालेल्या संयुक्त बैठकीत भाजपाचे मुंबईचे अध्यक्ष अमित साटम यांनी   महापौरपदासाठी रितू तावडे यांच्या नावाची घोषणा केली, तर शिवसेनेचे नेते राहुल शेवाळे यांनीउपमहापौरपदासाठी  सव्वा वर्षासाठी संजय घाडी यांचे नाव जाहीर केले. त्यानंतर त्यांनी उमेदवारी अर्ज दाखल केले.

कोण आहेत रितू तावडे? : 

रितू तावडे घाटकोपरच्या प्रभाग क्रमांक 132 मधून  दुसऱ्यांदा निवडून आल्या आहेत.  गुजरातीबहुल मतदारसंघातील मराठी चेहरा म्हणून ओळखल्या तावडे यांनी यापूर्वी शिक्षण समितीच्या अध्यक्षपद सांभाळले आहे. संघटनात्मक कामामुळे त्यांची  पक्षातील मजबूत पकड आहे.त्यांना प्रथम नागरिक म्हणून संधी देताना  भाजपाने मराठी अस्मिता आणि गुजराती मतदार या दोन्ही समीकरणांचा विचार केल्याची चर्चा आहे.

 मराठी महापौर देत विरोधकांच्या अस्मितेच्या राजकारणाला उत्तर देण्यासोबतच गुजराती मतदारांनाही प्रतिनिधित्व मिळाल्याचा संदेश देण्याचा प्रयत्न असल्याचे राजकीय वर्तुळात बोलले जात आहे.  

——–

 घाडी सव्वा वर्षासाठी  उपमहापौर

महायुतीमध्ये शिवसेना शिंदे गटाकडे उपमहापौर देण्याचा निर्णय झाल्यानंतर  त्यासाठी अनेक जण इच्छुक असल्याने नाराजी नाट्य पहावयास मिळाले. अखेर अडीच वर्षात दोघांना संधी द्यायचे ठरले असून पहिल्या सव्वा वर्षासाठी संजय घाडी यांची निवड करण्यात आली. त्यामुळे अन्य इच्छुकामध्ये नाराजी असल्याचे चर्चा व्यक्त होत होती.

————-

ठाकरे गटाचा उमेदवार नाही

भाजपाने दिल्याने त्याच्याविरोधात आपला उमेदवार न देण्याचा निर्णय ठाकरे गटाच्या बैठकीत घेण्यात आला. याबाबत गटनेत्या

किशोरी पेडणेकर म्हणाल्या,’ संख्याबळाचे गणित आम्हाला माहित आहे. मात्र आम्ही विरोधाला विरोध म्हणून निवडीला बट्टा लावणार नाही. मात्र नव्या सभागृहात प्रबळ विरोधकांची भूमिका बजावू.’ 

———-

 असे आहे पक्षीय बलाबल : 

भाजपा 89, शिवसेना (ठाकरे गट) 65, शिवसेना (शिंदे गट) 29, काँग्रेस 24, एमआयएम 8, मनसे 6, राष्ट्रवादी (अजित पवार) 3, समाजवादी पक्ष 2 आणि राष्ट्रवादी (शरद पवार) 1.

 रितू तावडे या यापूर्वीही भाजपतर्फे नगरसेविका म्हणून निवडून आलेल्या आहेत. त्या भाजपच्या निष्ठावंत कार्यकर्त्यांपैकी आहेत.

: मुंबईच्या संभाव्य महापौर रितू तावडेंची संपत्ती आणि शिक्षण किती?

 मुंबईच्या महापौरपदासाठी भाजपतर्फे रितू तावडे यांनी अर्ज दाखल केला आहे. उपमहापौरपदासाठी शिवसेनेच्या संजय घाडी यांनी अर्ज दाखल केला आहे. शिवसेना आणि भाजपचे मुंबई महापालिकेतील संख्याबळ पाहाता महापौर हा भाजपचा आणि उपमहापौर हा शिवसेनेचा होईल अशी शक्यता आहे. मुंबई महापालिकेचे महापौरपद सर्वसाधारण प्रवर्गातील महिला उमेदवारासाठी राखीव झाले होते.  

कोण आहेत रितू तावडे ?

रितू तावडे या यापूर्वीही भाजपतर्फे नगरसेविका म्हणून निवडून आलेल्या आहेत. त्या भाजपच्या निष्ठावंत कार्यकर्त्यांपैकी एक असून दुसऱ्यांदा त्या नगरसेविका म्हणून निवडून आलेल्या आहेत.  2012 साली रितू तावडे या प्रभाग क्र.121 मधून निवडून आल्या होत्या तर 2025 साली त्या प्रभाग क्र.132 मधून निवडून आल्या.