सोलापूर – भारतीय न्यायसंहिता (BNS) लागू झाल्यानंतर भारतीय दंड संहितेतील (IPC) विविध तरतुदींमध्ये झालेले मूलभूत बदल, नव्याने समाविष्ट केलेल्या संकल्पना, शिक्षेतील तरतुदींची पुनर्रचना, गुन्ह्यांचे वर्गीकरण, तसेच तांत्रिक आणि डिजिटल गुन्ह्यांबाबतची नवी दृष्टी यांचा त्यांनी तुलनात्मक आढावा घेतला. त्यांनी विशेषतः BNS मधील संज्ञांची मांडणी, IPC मधील काही कालबाह्य तरतुदींचे विलोपन, महिलांवरील व बालकांवरील गुन्ह्यांबाबतची कठोर भूमिका, तसेच राष्ट्रीय सुरक्षेसंदर्भातील बदल यावर वार असोसिएशनच्या व्याख्यानमालेत ॲड. अरविंद देडे यांनी प्रकाश टाकला.
बार असोसिएशन तर्फे आयोजित करण्यात येत असलेल्या विधी व्याख्यानमालेचा ज्ञानसमृद्ध प्रवास दि. 25 फेब्रुवारी 2026 रोजी चौदावे व्याख्यान पार पडून अधिक समृद्ध झाला. हि व्याख्यानमाला नव्या तरतुदींचा अभ्यास करण्यासाठी आणि न्यायालयीन कामकाज अधिक प्रभावीपणे पार पाडण्यासाठी मार्गदर्शक ठरत आहे. सदर व्याख्यानासाठी वक्ते म्हणून बार असोसिएशनचे खजिनदार ॲड. अरविंद देडे उपस्थित होते. त्यांनी “Comparative Study of BNS and IPC” या अत्यंत महत्त्वपूर्ण विषयावर सखोल व अभ्यासपूर्ण मार्गदर्शन केले.
कार्यक्रमाची सुरुवात अध्यक्ष ॲड. बाबासाहेब जाधव यांच्या हस्ते वक्त्यांच्या सत्काराने झाली. उपाध्यक्ष ॲड. रियाज शेख यांनी वक्त्यांचा अल्पपरिचय करून देताना त्यांच्या विधी क्षेत्रातील अनुभवाचा गौरव केला. कार्यक्रमाचे सूत्रसंचालन सचिव ॲड. बसवराज हिंगमिरे यांनी केले.
या प्रसंगी जेष्ठ वकील ॲड. सत्यनारायण माने, ॲड. नागनाथ बिराजदार, ॲड. विकास कुलकर्णी, ॲड. आशुतोष होरगिनमठ, ॲड. गणेश माशाळे, ॲड. अनिरुद्ध सोनावणे, ॲड. प्रजोत मुटकुळे, ॲड. स्वाती राठोड, ॲड. नंदा शेटे, ॲड. असिफ पटेल, ॲड. सुबोध शिवशरण, ॲड. सागर हंबीरराव, ॲड. सागर देवकुळे, ॲड. खालिद खरादि, ॲड. चैतन्य केंगार, ॲड. विक्रम वडगावकर ॲड. प्रवीण कुलकर्णी, ॲड. असिफ शेख आदींसह वकील मोठ्या संख्येने उपस्थित होते.
