सोलापूर – सालाबाद प्रमाणे यंदाही शहरातील बाळवेस येथील श्रीमल्लिकार्जुन मंदिरामध्ये गुढीपाडव्यानिमित्त यात्रेचे आयोजन करण्यात येते. या यात्रेची सुरुवात बुधवारी हजारो भक्तगणाला महाप्रसादाचे वाटप करून करण्यात आली.
यावेळी महाप्रसादाकरिता माडण्यात आलेल्या हांड्याचे विधिवत पूजन करण्यात आले. त्यानंतर श्री मल्लिकार्जुन मंदिरामध्ये महाप्रसाद देण्यात आला. सकाळी साडे अकरा नंतर महाप्रसादाचे वाटप सुरू करण्यात आले होते .रात्री उशिरापर्यंत भक्तगणाला महाप्रसादाचे वाटप करण्यात आले. दिवसभरामध्ये पाच ते सहा हजार फक्त जणांना महाप्रसादाचे वाटप केले जाते.
सकाळी सात वाजता भजनास सुरुवात करण्यात आली. बुधवारी सकाळी सात वाजता सुरू झालेली हे भजन गुरुवारी सकाळी सात वाजता समाप्त झाले. या भजनामध्ये आठ मंडळ सहभागी झाले होते.
श्री मल्लिकार्जुन मंदिरांमधील हा यात्रा महोत्सव सुरळीतरित्या पार पाडण्यासाठी मंदिर समितीचे अध्यक्ष बसवराज स्वामी, उपाध्यक्ष शिवया वस्त्रद, सेक्रेटरी बाळासाहेब दर्गो पाटील, खजिनदार जयप्रकाश अमनगी , रेवणसिद्ध माळी, गौरीशंकर वाले, बसवराज ऊळागड्डे, शिवानंद भीमदे, सुभाष सरसंभी, शैलेंद्र लिंबूतोटे, रमेश वाले, संजय वाले, पुजारी निलप्पा वाले, मुरगेंद्र वस्त्रद , राजू स्वामी, सुरेश कुडल, गुरुनाथ कुदळे, इराप्पा कुदळे, अशोक मेत्रे यांच्यासह सर्व मल्लिकार्जुन भक्तगण परिश्रम घेत आहे.
आज गुढीपाडव्यानिमित्त निघणार पालखी मिरवणूक संध्याकाळी सात वाजता श्रीमल्लिकार्जुन मंदिर येथून पालखी मिरवणूक निघणार असून ही मिरवणूक टेलिफोन भवन, मंगळवार पेठ पोलीस चौकी ,मधला मारुती, टिळक चौक, कसबा, होटगी मठ चौक मार्गे मल्लिकार्जुन मंदिरामध्ये समारोप करण्यात येणार आहे. या पालखी तरुणकेमध्ये हजारो भक्त पण सहभागी होतात.
