सोलापूर – महाराष्ट्र पोलीस दलाच्या डायल ११२ आपत्कालीन सेवेअंतर्गत पोलीस अधीक्षक अतुल कुलकर्णी, सोलापूर ग्रामीण यांच्या मार्गदर्शनाखाली सोलापूर ग्रामीण जिल्ह्यातील पोलीस अंमलदारांसाठी विशेष प्रशिक्षण कार्यक्रम आयोजित करण्यात आले. सदर प्रशिक्षण दि. १० ते १५ एप्रिल २०२६ दरम्यान संवाद हॉल, पोलीस मुख्यालय, सोलापूर ग्रामीण येथे सुरू असून, यामागील मुख्य उद्देश म्हणजे आपत्कालीन परिस्थितीत नागरिकांना त्वरित, प्रभावी आणि संवेदनशील प्रतिसाद देण्यासाठी पोलीस यंत्रणा अधिक सक्षम करणे हा आहे.
या प्रशिक्षणा करीता जिल्ह्यातील प्रत्येक पोलीस ठाण्यातून प्रत्येकी २ पोलीस अंमलदार याप्रमाणे एकूण ४८ पोलीस अंमलदार या प्रशिक्षणात सहभागी झाले आहेत. या प्रशिक्षणा दरम्यान इंजिनीयर संजय लांडगे व संजय साबणे यांनी कॉल प्राप्त झाल्यापासून ते घटनास्थळी पोहोचेपर्यंतच्या संपूर्ण प्रक्रियेचे सविस्तर मार्गदर्शन केले. महिला पोलीस अंमलदार विपुला कांबळे यांनी महिला तक्रारदारांशी संवाद साधताना आवश्यक असलेली संवेदनशीलता, गोपनीयता व काळजी यावर विशेष भर दिला.
त्यावेळी बोलाताना Supervisor PSI बापूराव दुधे यांनी डायल ११२ सेवेचा उद्देश स्पष्ट करताना सांगितले की, डायल ११२ सेवेचे महत्त्व, प्रतिसादकांची जबाबदारी व नागरिकांशी प्रभावी संवाद कौशल्य “प्रत्येक नागरिकाला संकटकाळात त्वरित मदत मिळावी, त्यांचा विश्वास पोलीस यंत्रणेवर दृढ व्हावा आणि राज्य अधिक सुरक्षित बनावे, हा डायल ११२ उपक्रमामागील मुख्य हेतू आहे. सदर प्रशिक्षणामुळे पोलीस अंमलदारांची कार्यक्षमता वाढून नागरिकांना अधिक जलद, समन्वयित व विश्वासार्ह सेवा देणे शक्य होणार आहे.
