पंढरपूर – दर तीन वर्षातून एकदा येणारा अधिक महिना १७ मे पासून सुरू झाला आहे. या सहा दिवसात सुमारे ३ लाख भाविकांनी विठ्ठलाचे पदस्पर्श व मुखदर्शन घेतल्याची माहिती मंदिर समितीकडून देण्यात आली. दिवसेंदिवस भाविकांची संख्या वाढत असल्याचे दिसून येत आहे.
हिंदू संस्कृतीत अधिक महिना महत्त्वाचा मानला जात आहे. यामुळे या महिन्यांमध्ये नागरिक दानधर्म व तीर्थक्षेत्रांना भेटी देऊन देवदेवतांचे दर्शन घेतात. या पार्श्वभूमीवर पंढरपुरात गेल्या सहा दिवसापासून भाविकांची संख्या वाढत असल्याचे दिसून येऊ लागले आहे. येणाऱ्या भाविकांना सुविधा देण्यासाठी प्रशासनाने यंत्रणा सज्ज ठेवली आहे.
—————–
गेल्या ६ दिवसात १ लाख भाविकांनी विठ्ठलाचे पद दर्शन घेतले. तर २ लाख भाविकांनी विट्टलाचे मुखदर्शन घेतले असल्याचे दिसून येत आहे. अधिक महिन्याची एकादशी २७ मे रोजी साजरी आहे. या पार्श्वभूनीवर पंढरपुरात सुमारे ५ लाखाहून अधिक भाविक दाखल होण्याची शक्यता वर्तविण्यात येत आहे. यामुळे येणाऱ्या भाविकांना सुविधा देण्यासाठी प्रशासनाने यंत्रणा सज्ज ठेवली असल्याचे दिसून येत आहे.
—————-
१७ मे २०२६ पदस्पर्श दर्शन १५ हजार ७७४ तर मुखदर्शन ३२ हजार ११८. १८ मे २०२६ पदस्पर्श दर्शन १४ हजार ८२५ आणि मुखदर्शन ३० हजार ६४२. १९ मे २०२६ पदस्पर्श दर्शन १६ हजार १८४ आणि मुखदर्शन २८ हजार ४२२. २० मे २०२६ पदस्पर्श दर्शन १५ हजार ४९८ मुखदर्शन २६ हजार ९८१. २१ मे २०२६ पदस्पर्श दर्शन १५ हजार ९१२ व मुखदर्शन २८ हजार ७८५. २२ मे २०२६ पदस्पर्श दर्शन १५ हजार १०७ आणि मुखदर्शन २८ हजार ७५७.
