उत्तराखंडच्या रूद्रप्रयाग येथे मुसळधार पावसात अडकलेल्या भाविकांची हेलिकॉप्टरच्या माध्यमातून सुटका करण्यात आलीय. विशेष म्हणजे हेलिकॉप्टरचे लँडिंग व्हावे यासाठी 7 महिलांनी परिश्रम घेऊन अल्पावधीत तात्पुरते हेलिपॅड निर्माण केले.
हिमाचल प्रदेश आणि उत्तराखंडमध्ये गेल्या 3 दिवसांपासून पावसाने कहर केला आहे. दोन्ही राज्यांमध्ये या कालावधीत पावसामुळे भूस्खलन आणि ढगांशी संबंधित घटनांमध्ये 80 हून अधिक लोकांचा मृत्यू झाला आहे. उत्तराखंडमधील रुद्रप्रयागच्या मध्यमहेश्वर धामच्या दर्शनासाठी आलेले 20-25 भाविक मंगळवारी पावसामुळे अडकून पडले होते. प्रत्यक्षात मध्यमहेश्वर धाम आणि महामार्गादरम्यान एक पूल होता तो कोसळल्यामुळे संपर्क तुटला होता. प्रशासनाने हेलिकॉप्टरने बचावकार्य सुरू केले, मात्र धाममध्ये उतरण्याची जागा नव्हती. त्यानंतर 7 हून अधिक स्थानिक महिला पुढे आल्या आणि त्यांनी काही तासांत हेलिपॅड तयार केले. त्यानंतरच अडकलेल्यांची सुटका करता आली. सोशल मिडीयात या महिलांचे नेटकऱ्यांकडून कौतुक होतेय.
‘लास्ट स्टॉप खांदा’ चित्रपटाचा दमदार ट्रेलर लाँच ; २१ नोव्हेंबरला प्रेक्षकांच्या भेटीला
सोलापूर - सध्या जोरदार चर्चेत असलेल्या 'लास्ट स्टॉप खांदा...' या चित्रपटातून प्रेमाचा इमोशनल, कॉमेडी ड्रामा उलगडणार आहे.उत्तम लेखन,अभिनय,संगीत असलेला,पुरेपूर मनोरंजन...
