भाडे नियंत्रण कायद्यानुसार दुय्यम निबंधकाकडे भाडेकराराची नोंदणी करणे बंधनकारक आहे. नोंदणीनंतर घरमालकाने सुरक्षिततेचा उपाय म्हणून ही माहिती पोलिसांना देणे आवश्यक आहे.
नोंदणी व मुद्रांक शुल्क विभागाच्या ‘ऑनलाइन लिव्ह अँड लायसन्स’ कराराची पुण्यासह पिंपरी-चिंचवडमध्ये योजना लागू करण्यात आली आहे. मात्र, पुणे जिल्ह्यासह संपूर्ण राज्यातील सर्व पोलिस ठाण्यांत ही योजना लागू करण्याची मागणी ‘असोसिएशन ऑफ सर्व्हिस प्रोव्हायडर्स’ने केली आहे.
ऑनलाइन ‘लिव्ह अँड लायसन्स’ करारामुळे भाडेकरूची माहिती थेट पोलिस ठाण्यात दिली जात आहे. त्यामुळे घरमालकांचे पोलिस ठाण्याचे हेलपाटे वाचले आहेत. ही योजना प्रायोगिक तत्त्वावर पुणे आणि पिंपरीत लागू करण्यात आली आहे. अद्याप पुणे जिल्ह्याच्या ग्रामीण भागात लागू करण्यात आली नाही, याकडे असोसिएशनने लक्ष वेधले आहे.
🔒 संपूर्ण बातमी वाचण्यासाठी मोफत नोंदणी करा
Login / Register
