भोकरदन : शहरातले घाणीचे साम्राज्य काही हटता हटेना 3 जुलै 2024 रोजी आम आदमी पार्टीच्या कार्यकर्त्यांनी 31 मार्च रोजी केलेल्या मागणीप्रमाणे नगरपरिषदेने पावसाळापूर्व कामे केली नाहीत त्यामुळे स्मरणपत्र देऊन आठ दिवसानंतर आंदोलन करण्याचा इशारा दिलेला आहे.
याबाबत सविस्तर असे की 31 मार्च 2024 रोजी आम आदमी पार्टी मार्फत मुख्याधिकारी नगरपरिषद भोकरदन यांना एक निवेदन देण्यात आले होते आणि पावसाळापूर्व कामे करून शहरात असलेली घाण कचरा तुंबलेल्या नाल्या गटारे व साफसफाई करून घेण्याबाबत मागणी करण्यात आली होती आश्चर्य असे की,
नगरपरिषदेने ज्या ठेकेदाराला साफसफाईचा ठेका दिलेला आहे तो ठेकेदार साफसफाई आणि स्वच्छता तर करतच नाही परंतु नगर परिषदेकडून बिल मात्र घेऊन टाकतो. नगरपरिषदेचे मुख्याधिकारी सुद्धा शहरात फेरफटका मारत नाही खुर्चीवरून जागेचे उठत नाही आणि कोणताही विचार न करता नागरिकांच्या पैशातून संबंधित ठेकेदाराचे पैसे देऊन टाकतात. याच्यामागे शहरातील काही मोठ्या व्यक्ती आणि नगरपरिषदेचे मुख्याधिकारी यांचे हितसंबंध असून त्यामुळेच या ठेकेदाराला चुपचाप पैसे दिले जातात आणि शहराचे साफसफाई होत नाही.
त्यामुळे मुख्याधिकाऱ्यांनी शहरातील साफसफाईची पाहणी केल्याशिवाय संबंधित गुत्तेदाराचे बिल देऊ नये ते थांबवण्यात यावे व कोणताही पैसा साफसफाईचा देण्यात येऊ नये असे बोरसे गुरुजी यांनी प्रसार माध्यमांशी बोलताना सांगितले. दुर्गंधी वाढत चाललेली आहे. घंटागाडीच्या फेऱ्या बंद झालेल्या आहेत. ऐन पावसाळ्यात घाण वाढत आहे.घाणी मुळे जनतेच्या आरोग्याचा प्रश्न निर्माण होण्या अगोदरच पुर्ण तयारी करणे आवश्यक आहे. फवारणी कधीच होत नाही.
शहरातील सार्वजनिक शौचालय सफाई अभावी बंद आहेत.शौचालयाची साफसफाई करुन घ्यावी.संबंधित गुत्तेदार कराराप्रमाणे काम न करता जनतेच्या टॅक्स मधून आपल्या सहकार्याने पैसा लाटत आहे. सफाई कामगारांना सर्व सोईसुवीधा व पगार नियमाप्रमाणे देत नाही त्यामुळे त्यांची उपासमार होत आहे.सफाईचे काम करुन घेतांना सफाई कामगारांची सुध्दा काळजी करण्यात यावी. त्यांना आवश्यक ते साहित्य आणि वेळेवर पगार देण्यात यावा. कोणत्याही परीस्थितीत काम न करता संबधीत गुत्तेदाराला पेमेंट करु नये.
असेही निवेदनात म्हटलेले आहे.एक आठवड्यात सुधारणा न झाल्यास आम आदमी पार्टी नगरपरिषद कार्यालया समोर आंदोलन करणार आहे.परीणामांची जबाबदारी मुख्याधिकारी व प्रशासनाची असेल याची नोंद घेण्यात यावी. असा इसारा देण्यात आला आहे. निवेदनाच्या प्रती योग्यकार्यवाहीसाठी 1) मा.विभागीय अधिकारी भोकरदन (SDM) 2) मा. जिल्हाधिकारी जालना देण्यात आल्या असून यावेळी जनार्दन सोळंके ,बाबरभाई,जमीलभाई, फारुख भाई,श्रीमती लिलाबाई,नारायण सोन्नी ,महजाद इस्लाम खान यांच्या सह पार्टीचे कार्यकर्ते व नागरिक मोठ्या संख्येने हजर होते