सप्टेंबर महिना संपायला आता दोनच आठवडे उरले असून या महिन्याच्या अखेरीस म्हणजे ३० सप्टेंबरपर्यंत काही महत्वाचे आर्थिक कामं पूर्ण करणे आवश्यक आहे. ३९ तारखेनंतर तुम्हाला ही संधी मिळणार नाही किंवा या उत्कृष्ट गुंतवणूक योजनेचा लाभही मिळणार नाही. याबाबत सविस्तर जाणून घेऊया.
आधार कार्ड करा जमा
३० सप्टेंबर २०२३ पर्यंत ज्येष्ठ नागरिक बचत योजना (SCSS), सार्वजनिक भविष्य निर्वाह निधी (PPF) योजना, राष्ट्रीय बचत प्रमाणपत्र (NSC) किंवा इतर पोस्ट ऑफिस योजनांच्या धारकांना त्यांचा आधार क्रमांक पोस्ट कार्यालयात सबमिट करावा लागेल. खातेधारकांनी आधार क्रमांकाची नोंद न केल्यास खाते १ ऑक्टोबर २०२३ रोजी निलंबित केले जाईल.
एसबीआयची WeCare ची अंतिम तारीख
स्टेट बँक ऑफ इंडिया (एसबीआय) आपल्या ज्येष्ठ नागरिक ग्राहकांना या योजनेअंतर्गत नियमित दराव्यतिरिक्त ०.५० टक्के म्हणजेच ७.५०% व्याज देते. या योजनेअंतर्गत गुंतवणूक करण्याची अंतिम तारीख ३० सप्टेंबर आहे.
डीमॅट, म्युच्युअल फंड नामांकन (नॉमिनी)
सेबीने ट्रेडिंग आणि डिमॅट खातेधारकांसाठी नावनोंदणी किंवा बाहेर पडण्याची वेळ वाढवली असून सुधारित मुदत ३० सप्टेंबर २०२३ आहे.
आयडीबीआय विशेष FD योजना
आयडीबीआय विशेष मुदत ठेव योजनेमध्ये गुंतवणूक करण्याची शेवटची तारीख ३० सप्टेंबर २०२३ आहे. 375 दिवसांच्या अमृत महोत्सव एफडी योजनेअंतर्गत बँक आपल्या सामान्य ग्राहकांना ७.१९% आणि ज्येष्ठ नागरिक ग्राहकांना ७.६० टक्के व्याज मिळणार आहे. त्याच वेळी बँक आपल्या सामान्य ग्राहकांना ७.१५ टक्के आणि ज्येष्ठ नागरिक ग्राहकांना ४४४ दिवसांसाठी ७.६५% व्याज देते.
३० सप्टेंबरपूर्वी नॉमिनेशन नोंदणी
सिक्युरिटीज अँड एक्स्चेंज बोर्ड ऑफ इंडियाने (सेबी) ट्रेडिंग आणि डीमॅट खातेधारकांना नॉमिनेशन किंवा नॉमिनेशन नोंदणी रद्द करण्याची वेळ वाढवली असून सुधारित मुदत ३० सप्टेंबर २०२३ आहे.
दोन हजाराच्या नोटा जमा करण्याची शेवटची तारीख
रिझर्व्ह बँक ऑफ इंडियाने २००० रुपयांच्या नोटा जमा करण्यासाठी किंवा बदलण्यासाठी चार महिन्यांची मुदत दिली होती जी ३० सप्टेंबर २०२३ पर्यंत बँक नोटा बदलून किंवा जमा कराव्या लागतील.
