करमाळा तालुक्याने केळी उत्पादनात दबदबा तयार केला आहे. केळी पिकासाठी पोषक वातावरण असल्याने या पिकाखालील क्षेत्रात वाढ होत आहे. निर्यातक्षम केळीचे उत्पादन होत असल्याने करमाळा तालुक्यातील शेतकऱ्यांचे जीवनमान उंचावले आहे.करमाळा तालुक्यात दरवर्षी अडीच लाख मे. टन केळीचे उत्पादन होत असून, ८० हजार मे. टन केळी आखाती देशात निर्यात केली जाते.केळीला १८ रुपयांचा दरसोलापुरी केळी दर्जेदार व निर्यातक्षम असल्याने केळी उत्पादक शेतकऱ्यांना प्रति किलोला सध्या १६ ते १८ रुपये किलोचा दर मिळू लागला आहे. गतवर्षी निर्यातक्षम केळीला प्रति किलो तब्बल २५ ते २६ रुपयांचा दर मिळाला होता.करमाळा तालुक्यातील उजनी धरण परिसरातील कंदर, वांगी, शेटफळ, उमरड, वाशिंबे परिसराबरोबरच पूर्व भागातील वरकटणे सरपडोह, निंभोरे, सौंदे, गुळसडी या गावांच्या परिसरातील शेतकरी केळी पिकाकडे वळले आहेत. करमाळा तालुक्यात वर्षभर केळीची लागवड केली जात असल्याने या परिसरातून नियमितपणे केळीचा पुरवठा होतो. त्यामुळे केळी व्यापारी नियमितपणे या ठिकाणी खरेदीसाठी येतात. यामुळे करमाळा तालुका केळी पिकासाठी हब होऊ लागला आहे.
ज्येष्ठ अभिनेते विजय कदम यांचे निधन
मुंबई, 10 ऑगस्ट (हिं.स.)। मराठी सिनेसृष्टीतील दिग्गज ज्येष्ठ अभिनेते विजय कदम यांचे आज शनिवारी निधन झाले आहे. विजय कदम हे...
