यूपी वॉरियर्सची स्टार फिरकीपटू दीप्ती शर्माने दिल्ली कॅपिटल्सविरुद्ध हॅटट्रिक घेत इतिहास रचला आहे. WPL च्या या लीगमध्ये हॅट्ट्रिक घेणारी दीप्ती शर्मा ही पहिली खेळाडू ठरली आहे. दीप्तीच्या या दमदार गोलंदाजीमुळे यूपी संघाने एका धावेने रोमहर्षक विजय मिळवला आहे.
दीप्तीने या सामन्यात 4 षटकात 19 धावा देत 4 विकेट घेतल्या आहेत. दीप्तीच्या चमकदार कामगिरीची सुरुवात दिल्ली कॅपिटल्सची कर्णधार मेग लॅनिंगला लेग-बिफोर विकेटद्वारे बाद करून झाली.
यानंतर 19व्या षटकात दीप्ती शर्माला गोलंदाजी करण्याची संधी मिळाली. लॅनिंगनंतर तिने अप्रतिम गोलंदाजी करत ॲनाबेल सदरलँड आणि अरुंधती रेड्डी यांच्या विकेट घेतल्या आणि रोमहर्षक विजय मिळवून देण्यात महत्त्वाची भूमिका बजावली.
