बॉलिवूड अभिनेत्री रेखा ही इंडस्ट्रीतील एक सदाबहार अभिनेत्री म्हणून ओळखली जाते. बालपणीच त्यांनी अभिनयाच्या जगात प्रवेश केला होता. आज वयाच्या ६९ व्या वर्षीही त्यांचा समावेश प्रसिद्ध सेलिब्रिटींच्या यादीत होतो. त्यांनी आपल्या कामाला नेहमीच प्राधान्य दिले आहे. एकदा तर त्यांच्या घरावर आयकर विभागाने छापे टाकले होते. पण त्यांनी शूटिंग थांबवले नाही. त्यांनी आपले शूट पूर्ण केले. नुकतंच अभिनेते शेखर सुमन यांनी हा किस्सा सांगितला.
‘उत्सव’ हा चित्रपट ४० वर्षांपूर्वी प्रदर्शित झाला होता. या चित्रपटाचे दिग्दर्शन गिरीश कर्नाड यांनी केले होते. रेखा व्यतिरिक्त यात शेखर सुमन, अमजद खान सारखे कलाकार होते. मात्र, हा चित्रपट बॉक्स ऑफिसवर अपयशी ठरला. शेखर सुमन यांनी सिद्धार्थ कन्ननला दिलेल्या मुलाखतीत सांगितले की, या चित्रपटात त्यांचे आणि रेखाचे अनेक इंटिमेट सीन्स होते. मात्र अभिनेत्रीने एकदाही तक्रार केली नाही. ठराविक ठिकाणी हात लावायला नाही वगैरे त्यांनी काहीच म्हटले नाही. त्यांनी अतिशय प्रोफेशनल होत्या. त्या इतर अभिनेत्रींसारखी नव्हत्या.
रेखा यांच्या घरावर आयकर विभागाने छापा टाकला
शेखर सुमन यांनी सांगितले की, या सिनेमाच्या शूटिंगच्या पहिल्याच दिवशी रेखाच्या घरावर आयकर विभागाने छापा टाकला होता. तरीही त्यांनी सेटवरच थांबण्याचा निर्णय घेतला. ‘अन्य कोणी असतं तर ते बॅग भरून निघून गेले असते. पण रेखाजी म्हणाल्या त्यांना त्यांचे काम करू द्या, मी सेटवर राहून माझे काम करेन. शेखर सुमन म्हणाले, ‘रेखा जींना भीती वाटत होती ती त्या गेल्या तर हा सिनेमा रद्द होईल आणि त्यांच्या स्वप्नांचा चुराडा होईल.
शेखर सुमनचा पहिला चित्रपट
अभिनेते शेखर सुमनने ‘उत्सव’ चित्रपटाद्वारे बॉलिवूडमध्ये पदार्पण केले. ते मुख्य भूमिकेत दिसले होते. शेखर सुमनने सांगितले की, रेखाने नवोदित कलाकारासोबत काम करण्यास सहमती दर्शवली आणि त्यासाठी ते नेहमीच त्यांचे आभारी राहतील. अभिनेत्रीच्या घरावर छापा टाकला तेव्हा रेखाजींसोबत काम करण्याची ही सुवर्णसंधी हुकली असं मला वाटलेलं पण तसं झालं नाही.
शेखर रेखासोबत काम करायला घाबरले होते
शेखर सुमनने सांगितले होते की, या चित्रपटादरम्यान ते २२-२३ वर्षांचे होते आणि त्याने रेखासोबत अनेक इंटीमेट सीन्स केले होते, ज्यासाठी त्यांना अस्वस्थ वाटत होतं.
