जाफ्राबाद प्रतिनिधी
Ancher – आज दिनांक 9 जुलै 2024 वार मंगळवार रोजी सकाळी 11 वाजता जालना जिल्ह्यातील भोकरदन येथून जवळच असलेल्या सिल्लोड भोकरदन या मुख्य महामार्गावर मालखेडा फाट्यावर लोकजागर अभियानाचे नेते केशव पाटील जंजाळ यांच्या नेतृत्वामध्ये रास्ता रोको आंदोलन करण्यात आले आहे ,यामध्ये मागण्या करण्यात आल्या आहे ,की शेतकऱ्याच्या दुधाला सरकारने हमी 45 रुपये भाव द्यावा तसेच शेतकऱ्यांना सरसकट कर्जमाफी द्यावी व जालना जिल्ह्यात व भोकरदन तालुक्यात मागील काही दिवसापासून बंद असलेल्या एमआरजीएस च्या कामांना मंजुरी देण्यात यावी व शेतकऱ्यांना तात्काळ पीक कर्ज घेण्यात यावी यासारख्या असंख्य मागणी घेऊन आज हे रास्ता रोको आंदोलन करण्यात आले आहे ,
या आंदोलनादरम्यान शेकडो शेतकऱ्यांच्या उपस्थितीमध्ये सरकारचा निषेध म्हणून मुख्य महामार्गावर दूध सांडवत हे रास्ता रोको आंदोलन करण्यात आले आहे, यावेळी पोलिसांच्या वतीने या आंदोलनाला परवानगी जरी नाकारली असली तरी मात्र लोकशाही मार्गाने हे आंदोलन करण्यात आले असून आंदोलनाच्या वेळी मुख्य महामार्गावर रस्त्याच्या दोन्ही बाजूला दुतर्फ वाहनांच्या रांगा लागल्याचे पाहायला मिळाले यावेळी कुठलाही अनुचित प्रकार घडू नये म्हणून भोकरदन पोलीस ठाण्याचे पोलीस निरीक्षक बालाजी वैद्य हे तात्काळ आंदोलन स्थळी पोहोचले व आंदोलकाना समजवत महामार्ग मोकळा करण्याची विनंती केली मात्र आंदोलक आपल्या आंदोलनावर ठाम राहिले जोपर्यंत या आंदोलन स्थळी भोकरदनचे तहसीलदार येत नाही व आमचे निवेदन स्वीकारत नाही तोपर्यंत आम्ही आंदोलन माघार घेणार नाही असा इशारा यावेळी या शेकडो शेतकऱ्यांच्या वतीने देण्यात आला होता,
यावेळी काही वेळाने या ठिकाणी भोकरदन चे तहसीलदार हजर झाले व रस्ता रोको मागे घेण्याची विनंती केली यावेळी लवकरात लवकर आमच्या या मागण्या शासन दरबारी मांडून सोडवा कारण आता सध्या पावसाळी अधिवेशन सुरू आहे, आणि अधिवेशनात सरकारने मुद्दा मांडून शेतकऱ्यांच्या डोळ्याचे आसू पुसावे अशी विनंती यावेळी लोक जागेवर अभियानाचे नेते केशव पाटील जंजाळ यांनी केली आहे.
बाईट -केशव पाटील जंजाळ, लोकजागर अभियानाचे नेते.
