विकासाचे व्हिजन घेऊन लोहा -कंधार च्या जनतेने मला आशिर्वाद द्यावा — प्रा. मनोहर धोंडे

विकासाचे व्हिजन घेऊन लोहा -कंधार च्या जनतेने मला आशिर्वाद द्यावा — प्रा. मनोहर धोंडे
—————————————-
लोहा
विकासाचे व्हिजन घेऊन
लोहा -कंधारच्या जनतेने मला आशिर्वाद द्यावा असे प्रतिपादन सेवा जनशक्ती पार्टी चे पक्षप्रमुख प्रा मनोहर धोंडे यांनी पत्रकार परिषदेत मत व्यक्त केले. सेवा जनशक्ती पार्टी च्या मुख्यालयात पक्षप्रमुख प्रा मनोहर धोंडे यांनी भव्य पत्रकार परिषदेचे आयोजन करण्यात आले होते.
यावेळी पुढे बोलताना म्हणाले मी चळवळीतील कार्यकर्ता आहे. गेल्या १५ वर्षांपासून गोरगरीब जनतेचे कामे करीत आहे. कधी कुणाची जात पाहिली नाही. माझ्याकडे आलेल्या सर्वाचे कामे केली आहेत ‌.
सध्या लोहा -कंधार मतदार संघाची फार दयनीय अवस्था झाली आहे.शेतकरी बकाल झाले आहे.मतदारसंघातील कामधेनू असलेला कलंबरचा साखर कारखाना बरबाद झाला भंगारात विकून मोठे झाले आहेत
धोंड प्रकल्प मी ५० वर्षांपासून ऐकतो त्यांचे काम झाले नाही. लिंबोटी धरणाचे पाणी कंधार शहराला दिवस मिळत नाही. लिंबोटीचे पाणी उदगीर, जळकोट,पालमला विकले आहे. तरुणांच्या हाताला काम मिळाले पाहिजे.शेतकरी सुखी झाला पाहिजे. लोकसभेच्या निवडणुकीत सेवा जनशक्ती पार्टी महाविकास आघाडीत सामील होती. सेवा जनशक्ती पार्टी मुळे राज्यात महाविकास आघाडीला १० जागेवर फायदा झाला आहे.
यात वाशिम, हिंगोली, नांदेड, लातूर, सोलापूर, माढा आदी जागेवर महाविकास आघाडीचे उमेदवार सेवा जनशक्ती पार्टी मुळे विजयी झाले आहेत.
राष्ट्रवादी काँग्रेसचे अध्यक्ष खा.शरद पवार यांच्या सोबत माझी दोन वेळा भेट झाली असून त्यांनी महाविकास आघाडीत लोहा मतदार संघ हा सेवा जनशक्ती पार्टीला सोडण्याचा शब्द दिला आहे. सेवा जनशक्ती पार्टी ला महाविकास आघाडीने लोहा मतदार संघ सोडल्यानंतर आम्ही संपूर्ण महाराष्ट्रात महाविकास आघाडीला पाठिंबा देणार आहोत. महाविकास आघाडीने लोहा -कंधार विधानसभा मतदारसंघ सेवा जनशक्ती पार्टी ला सोडला नाही तर सेवा जनशक्ती पार्टी लोहा -कंधार मतदार संघासह २५ ते ३० जागेवर आपले उमेदवार उभे करील.

लोहा -कंधार मतदार संघात आपले उमेदवार उभे करील.
माझ्याकडे विकासाचे अनेक मुद्दे आहेत.विकासाचे व्हिजन आहे. लोहा -कंधार मतदार संघातील माय -बाप जनतेनी कुठल्याही अफवांना बळी न पडता मला मतदानरूपी आशिर्वाद द्यावा
पाच वर्षांत नांदेड – लातूर रेल्वे,लोहा,माळाकोळी, माळेगांव मार्ग धावेल. लोहा – कंधार मतदार संघातील अनेक गावांना रस्ते नाहीत, पिण्याचे पाणी नाही त्याची ही व्यवस्था करतो. लोहा -कंधारचा सार्वोगिन विकास करतो . महाविकास आघाडीच्या वतीने लोहा मतदार संघ हा सेवा जनशक्ती पार्टी ला सुटणार आहेच पण एखादा टक्का काही दगा फटका झाला तर सेवा जनशक्ती पार्टी च्या वतीने सर्व शक्तिनिशी लोहा -कंधार विधानसभा निवडणुक लढविणार आहे. जनतेने मला आशिर्वाद द्यावेत असे पक्षप्रमुख प्रा मनोहर धोंडे म्हणाले.

यावेळी शिवा संघटनेचे तालुकाध्यक्ष हनुमंत भाऊ लांडगे, सेवा जनशक्ती पार्टी चे तालुका उपाध्यक्ष साधू पाटील वडजे, शिवा विद्यार्थी आघाडीचे जिल्हाध्यक्ष शुभम भाऊ घोडके, व्यापारी आघाडीचे‌ जिल्हा उपाध्यक्ष गणेश घोडके, सरपंच कैलास धोंडे,व्यापारी आघाडीचे‌ तालुकाध्यक्ष ज्ञानेश्वर मानसपुरे, गोविंद हाबगुंडे, आदी उपस्थित होते.