भोकरदन : भोकरदन येथील दबंग पोलीस निरीक्षक किरण बिडवे यांनी कारवाईचा हत्यार उपसल्याने अनेकांचे धाबे दणाणले आहे, बुधवारी बिडवे यांच्या नेतृत्वाखाली फरार असलेल्या ३० आरोपींवर कारवाई केली. यामध्ये आठ आरोपींना न्यायालय समोर हजर केले असता २२ आरोपींवर प्रतिबंधात्मक कारवाई केली. भोकरदन पोलिसांनी बुधवार ( २१) रोजी विशेष मोहीम राबवुन न्यायालयात हजर न राहणाऱ्या नॉन बेलेबल वारंट मधील ०८ आरोपी ज्यामध्ये भारतीय दंड सहिंता कलम ३२४ मधील एक वर्षापासुन पाहीजे असलेला ०१ आरोपी होता. यांना अटक करुन न्यायालयात हजर केले.
भारतीय हत्यार कायदा मधील ०१ आरोपी, अवैध वाळु वाहतुक करणारे ११, प्रतिबंधीत गुटख्याची वाहतुक करणारे ०३, अन्न व भेसळ अत्यावश्यक वस्तु कायदा मधील ०२, गांजा लागवड करणारे ०४, भारतीय दंड सहींता कलम ३७६ मधील ०१ अशा आरोपीना पोलीस ठाण्यात हजर करुन त्त्यांच्यवावर भारतीय नागरीक सुरक्षा सहींता २०२३ कलम १२६ प्रमाणे प्रतिबंधक कारवाई केले. आरोपीनी अशा प्रकारचे गुन्हे करु नये याकरीता त्यांना अप्पर पोलीस अधिक्षक यांच्या समोर हजर करुन सदर आरोपीकडुन चांगल्या वर्तणुकीचा दोन जामीनदारासह हमी पत्र घेण्यात आले.
वाळु वाहतुक करणारा एक हायवा ( क्रमांक एमएच २८/३-/५९७९) मध्ये क्षमतेपेक्षा जास्त वाळु असल्याने सदर हायवाचे वजन करण्यात आले. या प्रकरणी आरटीओंना कळवुन त्यांच्या मार्फत हायवाला ज्यादा वजनाबाबत ४३ हजार ५०० रुपये दंड ठोठावण्यात आला आहे. सदरची कामगिरी उपविभागीय पोलीस अधिकारी गणपत दराडे यांचे मार्गदर्शनाखाली पोलीस निरीक्षक किरण बिडवे, पोलिस उपनिरीक्षक सागर शिंदे, ग्रेड पोलिस उपनिरीक्षक बी. टी. सहाणे, सहय्यक फौजदार भास्कर जाधव, दत्ता राऊत, सुदर्शन मोहीते यांनी केली.
