अक्कलकोट – राज्य निवडणूक आयोगाने अद्याप कोणताही निवडणूक कार्यक्रम जाहीर केला नसला तरी अक्कलकोट, मैंदर्गी आणि दूधनी या नगर पालिकेचे निवडणूक जिल्हा परिषद आधी होणार असल्याचे अंदाज गृहीत धरून सर्व राजकीय पक्षाची जोरदार मोर्चा बांधणी सुरू आहे.भाजप मात्र या तिनही नगर पालिकेत ‘एकला चलो रे’च्या भूमिकेत आहे. शिंदेसेने सोबत काँग्रेसचे सूत जुळले की, काँग्रेस पक्ष, दोनही शिवसेना पक्ष आणि दोनही राष्ट्रवादी पक्ष, वंचितसह विविध छोटा मोठे पक्षांकडून मुठ बांधून भाजप विरुद्ध आघाडी तयार करण्याची जोरदार हालचाली सुरू आहे.या मुळे शहर व तालुक्यात राजकीय वातावरण ढवळून निघाला आहे.
अलीकडची अतिवृष्टी आणि महापूर यामुळे मोठे नुकसान राज्याच्या ग्रामीण भागात असल्याने सोलापूर जिल्हा परिषद, अक्कलकोट पंचायत समित्या निवडणूक लगेच घेण्यासारखी स्थिती नाही. म्हणूनच आयोगाने आधी नगरपालिका निवडणूक घेण्याचा पर्याय ठेवला आहे. प्रशासन निवडणूक कार्यक्रम जाहीर करण्याआधी मतदार याद्या, आरक्षण निश्चिती आदी प्रकारची पूर्वतयारी करीत आहे. नगर पालिका आणि जिल्हा परिषदांची एकाच वेळी निवडणूक घेण्यावर आयोगाने भर दिला आहे.
निकाल एकत्र की वेगवेगळे? या बाबत निर्णय जाहीर झाले नाही.नगरपालिका निवडणुका आधी झाल्या तर त्याचे निकाल मतदानानंतर दोन दिवसांनी मतमोजणी करून लावायचे की जिल्हा परिषद, महापालिका निवडणुकांनंतर एकत्रितपणे निकाल जाहीर करायचे? आधी झालेल्या निवडणुकीचा निकाल लगेच जाहीर केला तर त्याचा परिणाम नंतरच्या निवडणुकांवर होऊ शकतो. असा आक्षेप घेतला जाण्याची शक्यता आहे. त्यामुळे राज्य निवडणूक आयोग यादृष्टीने काय निर्णय घेते ? याबाबत उत्सुकता निर्माण झाला आहे.
तालुक्यात शिंदेसेनेसोबत काँग्रेसचे सूत जुळले की, काँग्रेस पक्ष, दोनही शिवसेना पक्ष आणि दोनही राष्ट्रवादी पक्ष, वंचितसह विविध छोटा मोठे पक्षांकडून भाजप विरुद्ध आघाडी होण्याचे शक्यता आहे.विविध पक्षांच्या जोरदार मोर्चेबांधणी सुरू असून बैठका सध्या सुरू असून वरिष्ठ नेते हे नगरपालिका निवडणुकीसाठी कामाला लागा असे सांगत आहेत. आधी जिल्हा परिषद निवडणूक होणार नसून नगरपालिका निवडणूक होणार असल्यांची अंदाज राजकीय पक्षाकडून व्यक्त करण्यात येत आहे.आयोगाने मात्र अजूनही नगरपालिका आधी की जिल्हा परिषद आधी किंवा दोन्ही एकत्रित याचा निर्णय केलेला नाही. मात्र, त्यासाठीची चाचपणी सुरू झाली आहे.
नोव्हेंबर महिन्याच्या पहिल्या किंवा दुसऱ्या आठवड्यात नगरपालिकांची निवडणूक जाहीर होईल, असा अंदाज आहे. या निवडणुकी नंतर किंवा नगर पालिका. सोबत जिल्हा परिषद, पंचायत समित्यांची निवडणूक होईल आणि शेवटी जानेवारी २०२६ अखेर महापालिकांची निवडणूक होईल असा अंदाज व्यक्त होत आहे.
अक्कलकोट नगरपालिकेत भाजपचे वर्चस्व असल्याने भाजपने स्वबळावर निवडणूक लढण्याचा नारा दिला आहे. मात्र भाजप विरोधी पक्षातील सर्व नेत्याने आघाडी करून तगडा उमेदवार देण्यासाठी जोरदार हालचाली सुरू केल्याची चर्चा रंगत आहे.
दुधनी येथील नगरपालिकेचे नगराध्यक्षपद (खुले) सर्वसाधारण झाले आहे. यामुळे चुरस वाढली आहे. शिंदेसेनेकडून उमेदवार निश्चित झाला आहे, तर भाजपकडून चाचपणी सुरू आहे. काँग्रेस पक्ष दोघांच्या भूमिकेवर लक्ष ठेवून आहे. यंदाची निवडणूक अत्यंत चुरशीची होण्याची शक्यता आहे. या निवडणुकीत म्हेत्रे कुटुंबासाठी अस्तित्त्वाची, तर भाजपसाठी प्रतिष्ठेची लढाई ठरणार आहे.
मैंदर्गी शहरावर नेहमी स्थानिक गटाचे वर्चस्व राहिले आहे. खालची व वरची गल्ली या दोन गटांमध्ये निवडणुका होत होत्या. यंदा मैंदर्गी नगर पालिकेत भाजपाने ‘एकला चलो रे’ च्या भूमिकेत आहेत.माजी राज्यमंत्री सिद्धाराम म्हेत्रे काँग्रेसमध्ये असताना एकदाही स्थानिक निवडणुकीमध्ये सहभाग घेतला नव्हता. यावेळेस पण स्थानिक गटा सोबत राहणार असल्याची चर्चा आहे.यामुळे दोनही स्थानिक गटसह भाजप विरोधी राजकीय पक्ष एकत्रित येऊन भाजप विरोध निवडणुका लढण्याची शक्यता आहे. नगराध्यक्षपद अनुसूचित जाती महिला झाले आहे. उपनगराध्यक्षपदाच्या तयारीचीही लगबग सुरु आहे.
