नायगाव / नांदेड – नरसी व धनगर समाजाचे आराध्य दैवत असलेल्या भंडारा डोंगरावरील जागृत श्री खंडोबा देवाचा सत्ता- विसावा वार्षिक महोत्सव यंदा गुरुवार, दि. २७ नोव्हेंबर २०२५ रोजी मोठ्या भक्तिभावात साजरा होणार आहे. नांदेडसह विविध जिल्ह्यांतून हजारो भाविक नरसीकडे येणार आहेत.दुपारी १ वाजता गणपती मल्हारी पाटे महाराज यांच्या निवासस्थानातून पालखी सोहळा सुरू होऊन बसस्थानक मार्गे श्री खंडोबा मंदिरात पोहोचेल. अभिषेकानंतर संध्याकाळी ५ वाजता महाप्रसाद, तर रात्री ८ ते पहाटे ५ या वेळेत बळीराम महाराज सूर्यवंशी व वाघे-मंडळांच्या सहभागातून जागरण सोहळा होणार आहे. ढोल-ताशा, वाघ्या-मुरळी आणि “जय मल्हारी”च्या घोषात भंडारा डोंगर पुन्हा एकदा दुमदुमणार आहे.
महोत्सवाचे नियोजन श्री जागृत खंडोबा समितीचे सर्व सन्मान नीय सदस्य व सरपंच गजानन भिलवंडे, माजी जि. प. सदस्य माणिकराव लोहगांवे, माजी सरपंच व्यंकटराव कोकणे शिवसेना तालुकाप्रमुख रविंद्र भिलवंडे, प्रसिध्द उद्योगपती राजेंद्र भिलवंडे ,
गंगाधर वडगावे, खंडोबा भक्त गोविंदराव टोकलवाड, आनंदराव सूर्यवशी,माधव मेकाॅले, माधवराव वडजे, चंद्रशेखर कोकणे, बालाजी भवरे, शंकर कोकणे मारोतराव मांजरमे, तसेच गावातील विविध मान्य वर,कार्यकर्ते व सर्व ग्रामस्थांनी पुढाकार घेतला आहे.बाबाराव महाराज पाटे, पांडुरंग गुणाजी पाटे, व्यंकटी महाराज पाटे, हानमंतराव मिसे, पांडुरंग बागडे, शिवाजी नारे, श्यामसुंदर कोकणेसह नरसीग्रामस्थांच्या सहकार्याने महोत्सवाची सुंदर आखणी करण्यात आली आहे.श्री जागृत खंडोबा मंदिर तिर्थ क्षेत्र हे नरसी–धानोरा रोडवरील महादेव मंदिरा पासून सुमारे १ किमी अंतरावर असून लाखोंच्या संख्येने भाविक भक्तांनी सहभागी होऊन पालखी सोहळ्याचा लाभ घ्यावा, असे आवाहन मंदिर समितीने केले आहे.
“या रे भक्तहो… लाभो मल्हारी मार्तंडाचा आशीर्वाद!”