फूलवळ / नांदेड – कंधार तालुक्यातील प्रमुख जिल्हा परिषद गटांपैकी एक असलेला फूलवळ जिल्हा परिषद गट आणि पंचायत समिती गण हा सर्वसाधारण महिलेसाठी सुटलेला आहे.ईच्छुक उमेदवारांनी भेटीगाठीवर भर देण्यास सुरुवात केली आहे. कंधार तालुक्यातील फूलवळ जिल्हा परिषद गटाकडे सर्वांचे लक्ष लागले असून तालुक्यात सध्या तरी फूलवळ जिल्हा परिषद गटाची चर्चा चावडीवर रंगत असल्याचे दिसून येते.
2017 च्या निवडणुकीमध्ये भाजप शिवसेना युतीचे उमेदवार यांनी मोठ्या मताधिक्याने विजय प्राप्त केला होता. महाराष्ट्राचे माजी मुख्यमंत्री तथा राज्यसभा खासदार माननीय अशोकरावजी चव्हाण साहेब यांनी भाजपा मध्ये प्रवेश केला तेव्हापासून लोकसभा असो विधानसभा असो या निवडणुकीत फुलवळ मधील जनतेनी भाजपला भरभरून असे मताधिक्य दिले आहे. या होऊ घातलेल्या जिल्हा परिषद पंचायत समिती निवडणुकीमध्ये भारतीय जनता पक्ष जो कोणी उमेदवार देईल त्या उमेदवाराची निवडून येण्याची शास्वती सध्याच्या घडीला दिसून येत आहे.
फूलवळ जिल्हा परिषद गट हा काँग्रेसचा बालेकिल्ला असून दोन टर्न काँग्रेसचा उमेदवार निवडून आला होता. मात्र गेल्या जिल्हा परिषद निवडणुकीपासूनच राजकीय समीकरण बदलले असून आता काँग्रेस पक्षांने कितीही तगडा उमेदवार दिला तरीही तो भारतीय जनता पक्षाच्या उमेदवारापुढे टिकाव धरू शकत नाही असे जनसामान्यातून ऐकायला मिळत आहे. कारण देशांमध्ये भाजपची सत्ता आहे राज्यामध्ये पण भाजपची सत्ता आहे जर आपल्याला नांदेड जिल्ह्याचा आणि आपल्या फुलवळ सर्कलचा विकास करून घ्यायचा असेल तर भाजपचाच उमेदवार निवडून आला पाहिजे अशी चर्चा गावातील वयस्कर नवतरुण व तसेच जाणकार मंडळीच्या तोंडून ऐकायला मिळत आहे.
भाजपा,काँग्रेस,राष्ट्रवादी काँग्रेस या पक्षाचे इच्छुक उमेदवारांनी सर्कल मधील मित्रपरिवार सगेसोयरे नातेसंबंध यांच्या गाठी भेटी भर दिल्या असल्याचे दिसून येत.
