सोलापूर : विश्वरत्न डॉ. बाबासाहेब आंबेडकर अस्थीविहार प्रेरणाभूमी आणि ऐतिहासिक पंचांची चावडी या ऐतिहासिक स्थळांना राष्ट्रीय स्मारकचा दर्जासाठी आणि
शासनाकडून निधी देण्यासाठी प्रयत्न करणार असल्याची ग्वाही विधानसभेचे उपाध्यक्ष तथा राष्ट्रवादीचे सहसंपर्क मंत्री अण्णा बनसोडे यांनी दिली.
विश्वरत्न डॉ.बाबासाहेब आंबेडकर यांच्या २६ व २७ नोव्हेंबर १९२७ रोजी महार वतनदार परिषदेच्या सोलापूर प्रथम भेटीस ९८ वर्षे पूर्ण झाल्याबद्दल महार वतनदार ऐतिहासिक परिषदेत उपस्थित असलेल्या मान्यवर वतनदारांच्या वारसांचा सन्मान सोहळा महाराष्ट्र विधानसभेचे उपाध्यक्ष अण्णासाहेब बनसोडे यांच्या उपस्थित झाला. यावेळी ते बोलत होते. विश्वरत्न डॉ. बाबासाहेब आंबेडकर अस्थिविहार प्रेरणाभूमी थोरला राजवाडा येथे राष्ट्रवादी काँग्रेस पक्षाचे महाराष्ट्र प्रदेश उपाध्यक्ष आनंद चंदनशिवे यांच्या मार्गदर्शनाखाली हा कार्यक्रम झाला.
प्रारंभी अण्णा बनसोडे यांनी विश्वरत्न डॉ. बाबासाहेब आंबेडकर यांच्या अस्थिकलशास अभिवादन करून पुष्पहार अर्पण केला. यानंतर दिनांक. २७ व २७ नोव्हेंबर १९२७ या दिवशी भारतीय घटनेचे शिल्पकार विश्वरत्न डॉ. बाबासाहेब आंबेडकर हे सोलापूर दौऱ्यावर आले असता थोरला राजवाडा, मिलिंद नगर, बुधवार पेठ, पंचाची चावडी येथे महार वतनदार ऐतिहासिक परिषद त्यांच्या उपस्थितीत झाली होती. त्यावेळचा संपूर्ण प्रसंग महापालिकेच्या माध्यमातून ब्राँझचा शिल्प बनवण्यात आला आहे. या ऐतिहासिक महार वतनदार परिषदेच्या शिल्पास अभिवादन केले. यानंतर कुमार तुकाराम बनसोडे, सुरेश बाबू तळभंडारे, मिलिंद गणपत बनसोडे, गंगाधर सरवदे, सोनप्पा सुतकर, सुमनताई बाबरे, मारुती नारायण साळवे, सुधाकर तळभंडारे, शोभा तळभंडारे, महादेव तळमोहिते या मान्यवरांचा व वारसांचा अण्णा बनसोडे यांच्या हस्ते सत्कार करण्यात आला.
यावेळी आनंद चंदनशिवे प्रस्ताविक करताना म्हणाले , विश्वरत्न डॉ. बाबासाहेब आंबेडकर यांच्या पदस्पर्शाने पुनित झालेल्या या बुधवार पेठ येथील थोरला राजवाडा मिलिंद नगर येथे ऐतिहासिक वतनदार परिषद झाली होती. त्या परिषदेतील मान्यवर वारसांचा गौरव हा सर्वांसाठी प्रेरणादायी आणि अभिमानास्पद आहे.
अण्णा बनसोडे म्हणाले, पिंपरीचे तीन टर्म आमदार, तीन तीन वेळा नगरसेवक होण्याचे भाग्य माझ्यासारख्या आंबेडकरी चळवळीमधील सामान्य कार्यकर्त्याला मिळाले आहे. मोहोळ गावामधील एका आंबेडकरी समाजामध्ये जन्माला आलेला एक कार्यकर्ता.आपल्या आयुष्याचे काही तर भलं होईल म्हणून पुण्यासारख्या शहरामध्ये पुण्याच्या कोपऱ्यातल्या वस्तीमध्ये आपले आयुष्य घडवण्यासाठी गेला. आज बाबासाहेबांच्या संविधानामुळे बाबासाहेबांच्या विचारामुळे व अजितदादा पवार यांच्या माध्यमातून महाराष्ट्र राज्याचा उपाध्यक्ष म्हणून बसलेला आपला भीमसैनिक आहे.
यावेळी राष्ट्रवादी प्रदेश उपाध्यक्ष किसन जाधव, जिल्हाध्यक्ष संतोष पवार, कार्याध्यक्ष जुबेर बागवान, माजी उपमहापौर विष्णू निकंबे, माजी नगरसेवक गणेश पुजारी ,महिला अध्यक्ष संगीता जोगदंड, सुरेखा घाडगे, नुतन गायकवाड , पी बी ग्रुप प्रमुख गौतम चंदनशिवे, दशरथ कसबे अविनाश भडकुंबे, सुखदेव इंगळे, भारत बाबरे,किरण साळवे, श्रीमंत जाधव, पिंटू डावरे, धम्मपाल मैंदर्गीकर, भीमा इंगळे,रंगा वाघमारे, गौतम नागटिळक, अमर सोनकांबळे, मनोज थोरात, रवी काकडे,नाना कापुरे, उमेश रणदिवे, विनय शिरसागर, आशिष पात्रे,प्रतीक चंदनशिवे, भीमा मस्के, अक्षय मस्के, आदित्य चंदनशिवे, राजाराम लोखंडे, प्रथमेश सुरवसे,रवी सय्यद, दाजी वाघमारे, संदीप रणदिवे, बालराज जाधव, दत्तात्रय धावारे,सुनील कांबळे, सागर वाघमारे, प्रेम रणदिवे, रोहन तळभंडारे, सिद्धांत तळभंडारे, संतोष चंदनशिवे, स्वप्निल पुजारी, यशवंत गायकवाड, अमोल कदम, ज्योतिर्लिंग करंडे असंख्य कार्य
