वळसंग – दक्षिण सोलापूर येथे श्री स्वामी समर्थ सेवा मंडळ मध्ये श्री ष.ब्र.विश्वराध्य मळेंद्र शिवाचार्य महास्वामीजी यांच्या प्रमुख सानिध्यात दुधनी नगरपरिषद नगराध्यक्षपदी प्रथमेश शंकर म्हेत्रे यांची विजय झाल्याबद्दल भव्य नागरी सत्कार करण्यात आले. वळसंग बस स्थानकावर शिवसेना शाखेचे उद्घाटन माजी गृहराज्यमंत्री सिद्धाराम म्हेत्रे, शंकर म्हेत्रे यांचे हस्ते करण्यात आले.
बस स्थानकावर शिवसेनेचे पहिली शाखा ढोल ताशांच्या गजरात व अतिशय बाजी करत उद्घाटन करण्यात आले. श्री स्वामी समर्थ सेवा मंडळात प्रथमता श्री स्वामींची पूजा करून कार्यक्रम सुरुवात केले. कार्यक्रमाचे अध्यक्ष श्री ष.ब्र. विश्वाराध्द मळेंद्र शिवाचार्य महास्वामीजी यांनी भूषविले.म्हेत्रे कुटुंबीयांचे विजय म्हणजे गरिबांचे कल्याण,अनेक वर्षापासून गोरगरिबांना मदत करत राहिलेले कुटुंब आहे.पुढील वाटचालीस माझे आशीर्वाद सदैव साथ राहतील असे महास्वामीजी यांनी आपल्या आशीर्वाचनात सांगितले.
आम्ही पहिल्यापासून सामान्य जनतेसोबत आहोत यापुढे सुद्धा राहणार आहे. विजयाचे सत्कार केल्याबद्दल सर्वांचे मी आभार मानतो यापुढे कोणीही कोणालाही चूक न करता भिऊ नये असे शंकर म्हेत्रे यांनी आपले मनोगत व्यक्त केले. नगर परिषद आम्ही जिंकून दुधनी पासून पुन्हा एकदा सुरुवात केली आहे. यापुढे जिल्हा परिषद व पंचायत समिती सुद्धा जिंकून दाखवू. वळसंग मध्ये एक नव्हे तर अजून सहा शाखेची उद्घाटन झाली पाहिजे असे माजी गृहराज्यमंत्री सिद्धाराम म्हेत्रे यांनी सांगितले. दुधनी मध्ये माझ्या विजयाची वळसंग मध्ये सत्कार म्हणजे दुधनी आणि वळसंग ही दोन्ही गाव माझ्यासाठी एकच आहे. माझ्या विजयाच्या जल्लोषात आपण सहभाग झाला सत्कार केला मी खूप आभारी आहे असे नगराध्यक्ष प्रथमेश म्हेत्रे यांनी आपले मनोगत व्यक्त केले.
या कार्यक्रम प्रसंगी माजी मुख्याध्यापक शिवशरण प्याटी, सिद्धारूढ काळे, सरपंच जगदीश अंटद, माजी जिल्हा परिषद सदस्य संजय गायकवाड, ग्रामपंचायत सदस्य श्रीशैल भुसणगी, मनोजकुमार थळंगे, माजी उपसरपंच आरीफ कुरेशी, माजी तंटामुक्त अध्यक्ष सत्तार कुरेशी, सतीश इसापुरे, राजकुमार माणकोजी,सिद्धय्या मठपती,लक्षमण हंजगे, सुनील भैरामडगी, डॉ.पंडितराध्य हिरेमठ,बालाजी विटकर, राजकुमार कोंडे, चंद्रकांत मंजुळकर, कुमार भुसाणगी, नागनाथ भुसाणगी व बहुसंख्येने शिवसैनिक उपस्थित होते.
