बार्शी – भारतीय जनता पार्टी बार्शी शहर व तालुका यांच्यावतीने आयोजित करण्यात आलेल्या पंडित दीनदयाल उपाध्याय प्रशिक्षण अभियान मंडस्तरीय कार्यशाळेचे आयोजन राज लॉन्स येथे करण्यात आले होते. कार्यशाळेचे उद्घाटन मा.आ. राजाभाऊ राऊत यांच्या हस्ते करण्यात आले.
पंडित दीनदयाल उपाध्याय प्रशिक्षण मंडळ स्तरीय कार्यशाळेमध्ये पदाधिकारी व कार्यकर्त्यांना मा.आ. राजाभाऊ राऊत यांनी मार्गदर्शन केले. या कार्यशाळेस प्रमुख मार्गदर्शक म्हणून भाजपा सोलापूर जिल्हा सरचिटणीस सचिन शिंदे यांनी विचार मांडले.भारतीय जनता पक्ष हा कार्यकर्त्यांचा पक्ष आहे. बूथ रचना, संघटनात्मक कार्ये, उद्दिष्टे, पक्षाची कार्यपद्धती अशा अनेक विषयावर संवाद साधण्यात आला.
यावेळी जिल्हा परिषद अध्यक्ष दिपक वैद्य, नगराध्यक्ष सौ. तेजस्विनी कथले, बाजार समिती सभापती विजय गरड, पंचायत समिती उपसभापती संतोषदादा निंबाळकर, बाजार समिती उपसभापती बाबा गायकवाड, व्यापारी मर्चंट असोसिएशन अध्यक्ष बाबासाहेब कथले, विलास रेणके, माढा लोकसभा विस्तारक अनंत राऊत, माळशिरस तालुका प्रमुख मदने, शहराध्यक्ष महावीर कदम, तालुकाध्यक्ष मदन दराडे, बबन गडदे तसेच पदाधिकारी व कार्यकर्ते उपस्थित होते.
