सोलापूर – जिल्हा अजिंक्यपद कुमार खो-खो स्पर्धेत वेळापूरच्या अर्धनारी नटेश्वर क्रीडा मंडळाने विजेतेपद पटकाविले.
वाडीकुरोली (ता. पंढरपूर) येथील वसंतराव काळे प्रशालेच्या मैदानावर झालेल्या या स्पर्धेतील अंतिम सामन्यात वेळापूरने शेवतेच्या आदर्श क्लबचा 16-15 असा एक गुण व दोन मिनिटे राखून पराभव केला. मध्यंतराची 9-5 ही गुणाचीच आघाडी त्यांनी विजय मिळवून दिली. तृतीय स्थानासाठी झालेल्या सामन्यात डोणजच्या ए. एम. स्पोर्टस् क्लबने येथील उत्कर्ष क्रीडा मंडळाचा 9-3 असा 6 गुणांनी पराभव केले.
पारितोषिके कल्याणराव काळे स्पोर्ट्स क्लबचे अध्यक्ष समाधान काळे यांच्या हस्ते देण्यात आली. यावेळी काळे प्रशालेचे पर्यवेक्षक कुमार गाजरे, सोलापूर ॲम्युचर खो-खो असोसिएशनचे सचिव उमाकांत गायकवाड, पदाधिकारी शरद व्हनकडे, सोमनाथ बनसोडे, अजित शिंदे, शिवशंकर राठोड, अजित बनकर, सोनाली शिंदे व अतुल जाधव आदी उपस्थित होते.
