सोलापूर – महाराष्ट्र राज्य नाभिक महामंडळाच्या वतीने आयोजित भव्य कार्यक्रमात एकनाथ स्वाभिमानी शिक्षक सेनेचे प्रदेशाध्यक्ष, सदस्य मंत्रालय समन्वय समित मुंबई, सदस्य पुणे बोर्ड, संस्थापक चेअरमन स्वाभिमानी शिक्षक व सहकारी कर्मचारी पतसंस्था मर्यादित सोलापूर प्रा. डॉ. बापूसाहेब आडसूळ यांना राज्यस्तरीय “आदर्श शिक्षक भूषण” पुरस्कार प्रदान करण्यात आला.
हा पुरस्कार महाराष्ट्र राज्य नाभिक महामंडळाचे प्रदेशाध्यक्ष कल्याणजी दळे साहेब, खा. प्रणिता शिंदे यांच्या हस्ते प्रदान करण्यात आला. यावेळी कार्यक्रमाचे संयोजक वैभव शेटे यांच्यासह विविध मान्यवर, शिक्षक, सामाजिक कार्यकर्ते आणि समाजबांधव मोठ्या संख्येने उपस्थित होते.
कार्यक्रमाच्या निमित्ताने महाराष्ट्र नाभिक महामंडळाच्या वतीने वधू-वर सूचक मेळावा तसेच सामुदायिक विवाह सोहळ्याचेही आयोजन करण्यात आले होते. समाजातील एकोप्याला आणि सामाजिक बांधिलकीला बळ देणाऱ्या या उपक्रमाचे उपस्थितांकडून कौतुक करण्यात आले.
प्रा. डॉ. बापूसाहेब आडसूळ सर यांनी शिक्षण क्षेत्रात केलेल्या उल्लेखनीय कार्याची दखल घेत त्यांना हा सन्मान देण्यात आल्याने विविध स्तरांतून त्यांचे अभिनंदन करण्यात येत आहे.
