श्रीपूर – राज्यातील १७ विधान परिषदेच्या जागांसाठी १८ जून रोजी मतदान होत आहे . यात प्रामुख्याने राष्ट्रवादी ( श . प .) गटाचे उमेव्दार वसंतनाना देशमुख व भाजपाचे बार्शीचे राजाभाऊ राऊत यांच्यामध्ये लढत होत आहे .
या पार्श्वभूमीवर भाजपाचे उमेदवार राजाभाऊ राऊत यांनी महाळुंग श्रीपुर नगरपंचायतीच्या नगरसेवकांची भेट घेऊन मतदान करण्याचे आवाहन केले .
शनिवार दि . १३ जून रोजी राजाभाऊ राऊत यांनी नुकतेच भारतीय जनता पार्टीमध्ये प्रवेश केलेल्या महाळुंग श्रीपुर नगरपंचायतीचे विरोधी गटनेते राहुल रेडे – पाटील यांचे निवासस्थानी भेट देऊन नगरसेवकांना मतदान करण्याचे आवाहन केले .
याप्रसंगी माळशिरस विधानसभेचे माजी आ. रामभाऊ सातपुते , प्रकाशराव शामराव पाटील उपस्थित होते .तसेच महाळुंगचे रावसाहेब रेडे पाटील , शिवाजीराव रेडे पाटील , विक्रमसिंह लाटे निनाद पटवर्धन, नामदेव पाटील, विजय भगत, मोहसीन पठाण,उपस्थित होते .
महाळुंग – श्रीपुर नगरपंचायतीच्या झालेल्या निवडणुकीत राष्ट्रवादी कडून राहुल आप्पा रेडे गटाचे सहा नगरसेवक (सध्या सर्व भाजपा ) तर भाजपाचा एक नगरसेवक तसेच भगवानराव रेडे पाटील यांचे गटाचे ५ नगरसेवक व नानासाहेब मुंफपणे गटाचे चार नगरसेवक असे मोहिते पाटील पुरस्कृत एकूण नऊ नगरसेवक निवडून आल्याने नगरपंचायतीवर सहाजिकच मोहिते पाटलांची सत्ता आहे एक नगरसेवक काँग्रेस चा निवडून आलेला आहे . तर दोन नगरसेवक एक सत्ताधारी व एक विरोधी गटाकडून स्वीकृत सदस्य म्हणून आहे . यात महत्त्वाचे बाब म्हणजे सत्ताधारी गटातून नगराध्यक्ष असलेल्या लक्ष्मी चव्हाण यांचे पती अशोक चव्हाण , नगसेवीका रुबीका पठाण यांचे पती मोहसीन पठाण यांनी भाजपा मध्ये प्रवेश केला असून आजच्या बैठकीला ते हजर होते . त्यामुळे सत्ताधारी गटाच्या नगरसेवकांची कीती मते भाजपा घेते हा औत्सुक्याच्या ठरणार आहे .
यावेळी प्रथम नगरसेवक राहूल रेडे – पाटील यांनी उपस्थितांचे स्वागत केले . यावेळी माजी आ. राममाऊ सातपुते यांनी संपूर्ण सोलापूर जिल्ह्याच्या विकासासाठी राजाभाऊ राऊत यांना निवडून देणे ही आपली सर्वांची जबाबदारी असल्याचे सांगितले . याबरोबरच प्रकाश पाटील यांनीही आपल्या मनोगत व्यक्त केले .
. .. . . . .. .. . . . . . . .. .. . . . . . . …. . ……. . ………..सर्व शक्तीनिशी राजाभाऊंना साथ ………
विधान परिषदेसाठी उभे असलेले राजाभाऊ यांचे पाठीशी आम्ही राहूल रेडे पाटील यांच्या नेतृत्वाखाली सर्व शक्तीनिशी उभे असून जास्तीत जास्त भाजपाला मतदान करण्यात आला आमचा निर्धार आहे .
.- – – निनाद पटवर्धन, नगरसेवक .
