अक्कलकोट – तालुक्यातील वागदरी येथे अनैतिक संबंधाच्या संशयातून एका महिलेचा गळा दाबून खून केल्याची धक्कादायक घटना उघडकीस आली आहे. या प्रकरणी उत्तर पोलिसांनी उल्लेखनीय कामगिरी करत महिलेच्या खुनाचा गुन्हा अवघ्या २४ तासांत उघडकीस आणत आरोपीला अटक केली आहे.*
वागदरी (ता. अक्कलकोट) शिवारातील एका पडक्या विहिरीत २९ ते ५० वयोगटातील महिलेचा मृतदेह आढळून आला होता. या घटनेची माहिती मिळताच पोलिस निरीक्षक अविनाश पवार, सहाय्यक पोलिस निरीक्षक अमोल एकलकर व पोलिस पथकाने घटनास्थळी धाव घेत तपास सुरू केला.
प्राथमिक तपासात मृत महिलेची ओळख पटत नसल्याने पोलिसांनी परिसरातील नागरिकांकडून माहिती घेतली तसेच सोशल मीडियाच्या माध्यमातूनही ओळख पटविण्याचा प्रयत्न केला. तपासादरम्यान मृत महिलेची ओळख ललिताबाई भालचंद्र जाधव (वय ५१, रा. वागदरी, ता. अक्कलकोट) अशी पटली.
*चौकट:*
मृत व्यक्ती: लक्ष्मीबाई जाधव (रा. वागदरी, ता. अक्कलकोट)
आरोपी : परशुराम शिवलिंगप्पा पोमाजी (रा. वागदरी) — महिलेचा प्रियकर
घटना : आरोपीने महिलेकडून होणाऱ्या सततच्या वाद आणि त्रासाला कंटाळून तिचा गळा दाबून खून केला. नंतर मृतदेह पुरावा नष्ट करण्यासाठी शेतातील विहिरीत फेकला.
पोलिस कारवाई : अक्कलकोट उत्तर पोलीस ठाण्यात गुन्हा क्र. ४०२/२०२६ दाखल. आरोपीने चौकशीत गुन्ह्याची कबुली दिली. त्याला अटक करण्यात आली आहे.
ही कारवाई पोलिस अधीक्षक अतुल कुलकर्णी, अपर पोलिस अधीक्षक विजय कबाडे आणि उपविभागीय पोलिस अधिकारी राजेंद्र टाकणे यांच्या मार्गदर्शनाखाली पोलिस निरीक्षक अविनाश पवार यांच्या नेतृत्वात करण्यात आली. पथकात सहाय्यक पोलिस निरीक्षक अमोल एकलकर, संतोष पांडरे, गणेश जुगले, महेश कोळी, श्रावणी गंगणे, दीपक शेळके, राहुल राऊत, सुनील सुरवसे, श्रीकांत ढवळे, संदेश मुगुळे, विजय महाडिक, विकास पवार व गोवर्धन मुलाणी यांचा समावेश होता. पोलिसांच्या तत्पर आणि वेगवान तपासामुळे गंभीर गुन्ह्याचा अल्पावधीत उलगडा झाला, ही बाब कौतुकास्पद आहे.
