सोलापूर : सहकार ही केवळ आर्थिक व्यवस्था नसून सामान्य माणसापर्यंत आर्थिक सक्षमीकरण पोहोचविणारी प्रभावी चळवळ आहे. जगभरातील सहकारी संस्थांची मालमत्ता चार ट्रिलियन डॉलर असून ४११ कोटी सभासद सहकाराशी जोडले गेले आहेत. नागरी सहकारी बँकांच्या ठेवी सहा लाख कोटी रुपयांवर पोहोचल्या असून आता ग्राहकांना आधुनिक मोबाईल बँकिंगसह तंत्रज्ञानाधारित सुविधा देणे ही काळाची गरज आहे, असे प्रतिपादन कॉसमॉस बँकेचे चेअरमन संजीव खडके यांनी केले.
मनोरमा को-ऑपरेटिव्ह बँकेच्या अंत्रोळीकर नगर या अकराव्या शाखेचे उद्घाटन रविवारी सकाळी हॉटेल बालाजी सरोवर येथे सकाळी ११.३० वाजता येथे ऑनलाइन पद्धतीने करण्यात आले. यावेळी कै. सदाशिवराव मोरे आदर्श शिक्षक पुरस्काराचे वितरण करण्यात आले. कार्यक्रमाचे अध्यक्ष मनोरमा को-ऑपरेटिव्ह बँकेचे चेअरमन श्रीकांत मोरे होते. यावेळी ते प्रमुख पाहुणे म्हणून बोलत होते.यावेळी आमदार तथा चेअरमन लोकमंगल बँक सुभाष देशमुख, पुणे पीपल्स मल्टीस्टेट बँकेचे चेअरमन श्रीधर गायकवाड, जिल्हा उपनिबंधक सहकारी संस्था सोलापूर मुकुंद पवार, उपनिबंधक सहकारी संस्था सोलापूर शहर उमेश पवार, जिल्हा विशेष लेखा परीक्षक वर्ग एक धाराशिवचे व्ही. व्ही. डोके यांच्यासह मनोरमा मल्टीस्टेटच्या चेअरमन शोभा मोरे, मुख्य कार्यकारी अधिकारी शिल्पा कुलकर्णी, डॉ. ऋचा मोरे – पाटील, डॉ. सुमित मोरे, धनश्री परिवाराचे चेअरमन प्रा. शिवाजीराव काळुंखे ,अविनाश महागावकर ,सांगलीचे नायब तहसीलदार जितेंद्र मोरे आदी मान्यवर उपस्थित होते. प्रारंभी सर्व प्रमुख मान्यवरांच्या हस्ते दीपप्रज्वलन करण्यात आले.
प्रास्ताविक डॉ. ऋचा पाटील – मोरे यांनी केले. यावेळी त्यांनी मनोरमा बँकेच्या आर्थिक स्थितीचा आढावा घेतला. मागील आठ वर्षे सलग शून्य टक्के एनपीए असलेली बँक आहे. आरबीआयकडून एफएसएम दर्जा मिळालेली बँक तसेच आदर्श बँक पुरस्कार मिळालेले बँक आज 1170 कोटी व्यवसायाकडे वाटचाल करत असल्याचे सांगितले. शोभा मोरे यांनी स्वागत केले. यावेळी प्रमुख मान्यवरांचा सत्कार माननीय डॉ. सुमित मोरे, व्हाईस चेअरमन संतोष सुरवसे, डॉ. ऋचा मोरे पाटील, डॉ. आदित्य पाटील यांच्या हस्ते करण्यात आला.
आ. सुभाष देशमुख म्हणाले, बँकेचा मालक हा सभासद आहे लाभांश कमी का म्हणून तो आपल्याकडे विचारणा करतो. सातत्याने समाजाबरोबर चालण्याचे काम मनोरमा परिवार करत आहे. लोकमंगल आणि मनोरमा परिवार एकत्र आला तर सोलापुरात ती सहकारात फार मोठे क्रांती होईल. यावेळी श्रीधर गायकवाड व्हीव्ही यांनी आपले विचार मांडले.
कार्यक्रमाचे अध्यक्ष श्रीकांत मोरे म्हणाले, मनोरमा बँकेच्या वाटचालीला आज तीन दशक होत आहेत. सहकारात काम करताना काही अडचणी आल्या. त्यावर मात करून पुढे जाणे हा अर्थकारणाचा भाग आहे.
यावेळी पल्लवी पवार यांनी सूत्रसंचालन केले. व्हाईस चेअरमन संतोष सुरवसे यांनी आभार मानले.यावेळी बोर्ड ऑफ मॅनेजमेंटचे चेअरमन ॲड. सुरेश गायकवाड, सर्व संचालक मंडळ, मॅनेजर नीलकंठ करंडे, प्रशासनाधिकारी कमलाकर पुजारी, पुरुषोत्तम साखरे, सुनील पाटील तसेच सभासद, खातेदार, ठेवीदार यांच्यासह अधिकारी कर्मचारी उपस्थित होते.
यांचा झाला आदर्श शिक्षक पुरस्काराने सन्मान
कै. सदाशिवराव रामचंद्र मोरे आदर्श शिक्षक पुरस्काराचे मानकरी असे – वैशाली ज्ञानेश्वर कार्वेकर (जिल्हा परिषद शाळा, शेटे वस्ती तालुका उत्तर सोलापूर), निर्मला लक्ष्मण केदारलिंगे ( जिल्हा परिषद शाळा, जगताप वस्ती तालुका मोहोळ), राहुल रामू राठोड (जिल्हा परिषद शाळा, बेलाटी तालुका उत्तर सोलापूर.), चंद्रकांत पुंडलिक नवले ( जिल्हा परिषद शाळा, वाघोली तालुका मोहोळ), रमेश गोविंद जाधव( जिल्हा परिषद शाळा, इंदिरानगर कासेगाव तालुका दक्षिण सोलापूर), विजय अच्युत गुंड (जिल्हा परिषद शाळा, गावडे वस्ती तालुका मोहोळ) आदींना पुरस्काराने सन्मानित करण्यात आला. सन्मानपत्र, शाल, श्रीफळ असे या पुरस्काराचे स्वरूप आहे.
