अक्कलकोट – भाजपाचे एकनिष्ठ कार्यकर्ता दयानंद बिडवे हे शांत, संयमी व मितभाषी अजात शत्रू असलेले भारतीय जनता पक्षाचे हाडाचे कार्यकर्ते आहेत. गेल्या ३५ वर्षापासून भाजपात काम करत असले तरी त्यांनी पक्षाच्या हितासाठीच काम केलेले आहे. स्वतःच्या स्वार्थासाठी कधी काम केलेले नाही हे वाखाणण्याजोगे असल्याचे प्रतिपादन आमदार सचिन कल्याणशेट्टी यांनी केले. भारतीय जनता पक्षाचे सरचिटणीस दयानंद बिडवे यांच्या ५३ व्या वाढदिवसा निमित्त सुभाष गल्ली येथे आयोजित कार्यक्रमात प्रमुख पाहुणे म्हणून ते बोलत होते.यावेळी व्यासपीठावर मनिप्र बसवलिंग महास्वामी, अक्कलकोट भाजपा शहराध्यक्ष शिवशरण जोजन, महेश हिंडोळे, यशवंत धोंगडे, मिलन कल्याणशेट्टी, स्वामी समर्थ अन्नछत्र मंडळाचे कार्यकारी विश्वस्त अमोलराजे भोसले, वटवृक्ष देवस्थानचे प्रथमेश इंगळे, गुरुमाऊली मल्लम्मा पसारे, संतोष पराणे, अल्पसंख्याकचे नन्नू कोरबु, रजाक सय्यद आदी उपस्थित होते.पुढे बोलताना आ. कल्याणशेट्टी म्हणाले, गेल्या दोन विधानसभा निवडणुकीच्या विजयामध्ये शेकडोजण ज्ञात अज्ञातांचे सहकार्य लाभले. त्यांनी केलेल्या सहकार्याची उपकाराची परतफेड करू शकतो की नाही माहित नाही पण सर्वांचे मनापासून आभार. यामध्ये अत्यंत तळमळीने, निस्वार्थ सहकार्य दयानंद बिडवे यांनी सुद्धा भाजपा निष्ठावान कार्यकर्ते म्हणून केलेले आहे. ते लाख मोलाचे आहे.
यावेळी मनिप्र बसवलिंग महास्वामी आशीर्वचनपर बोलताना म्हणाले, दयानंद बिडवे हे प्रत्येकाशी मिळून मिसळून राहणारे अजातशत्रू असलेले भाजपा कार्यकर्ते आहेत. याप्रसंगी कांतु धनशेट्टी, नागराज कुंभार, राजकुमार थांब, श्रीकांत झिपरे, सुनील गोरे, अनिल लोकापुरे, प्रशांत लोकापुरे, शुभम बिडवे, शरण बिडवे, सचिन गडसिंग, शिवकुमार चनशेट्टी, अंकुश केत, अनिल वेदपाठक, अविनाश पोतदार, गुरुनाथ पोतदार, नितीन पोतदार, संतोष घिवारे, समर्थ पराणे आदी कार्यकर्ते, पदाधिकारी उपस्थित होते.
गेल्या २५ वर्षांपूर्वी नगरपरिषद निवडणुकीत एक भाजपा कार्यकर्ते म्हणून दयानंद बिडवे यांच्याशी भेट झाली. या काळात अत्यंत तळमळीने माझा प्रचार करून नगरसेवक म्हणून निवडून दिले. हे मी कदापि विसरू शकणार नाही. अनेक संकटे त्यांच्या जीवनात आली आणि गेली पण एखाद्याला विश्वास दिला तर तडा जाऊ देणार नाही असे एक भाजपा कार्यकर्ते आहेत. तेव्हा जुळलेली मैत्री आम्ही आजपर्यंत जपून ठेवलेली आहे.
– महेश हिंडोळे
माजी उपनगराध्यक्ष अक्कलकोट
