सोलापूर : अल्पसंख्यांक समाजाच्या शिक्षण आरक्षण व संरक्षणाबाबत योग्य ते कृती कार्यक्रम शासनामार्फत आखण्याच्या मागणीसाठी मौलाना आझाद विचार मंचच्या वतीने सोलापुरात एक दिवसाचे धरणे आंदोलन करून लक्ष वेधण्यात आले.
19 जुलै 2014 च्या महाराष्ट्र शासनाच्या निर्णयानुसार मुस्लिम समाजाला पाच टक्के आरक्षण द्यावे, केंद्र व राज्याच्या अर्थसंकल्पात लोकसंख्येच्या प्रमाणात अल्पसंख्याक समाजाला निधीची तरतूद करावी, पंतप्रधान 15 कलमी कार्यक्रमाचे अंमलबजावणी करावी, मुस्लिम समाजाच्या शैक्षणिक विकासासाठी प्राथमिक ते उच्च शिक्षणापर्यंत शंभर टक्के शिष्यवृत्ती द्यावी, मुस्लिम विद्यार्थ्यांसाठी शासकीय वसतिगृहाची सोय करावी, सोलापुरातील उर्दू घर त्वरित कार्यान्वित करावे, राज्यातील वक्फ संपत्तीचा उपयोग मुस्लिम समाजाच्या उन्नतीसाठी करावा यासह 16 मागण्यांकडे या आंदोलनाद्वारे लक्ष वेधण्यात आले आहे.
दरम्यान मंचचे प्रदेश उपाध्यक्ष हसीब नदाफ यांनी आपली भूमिका स्पष्ट केली. या आंदोलनात विचारमंचचे शहराध्यक्ष शौकत पठाण जिल्हाध्यक्ष इस्माईल पटेल, इरफान महाजन, बाबू पटेल, गौस तांबोळी, डॉक्टर ए एम शेख, कोमारोह सय्यद, समिअल्लाह शेख, सर्फराज अहमद, राजा बागवान, जमीर शेख, शोहेब चौधरी, सल्लाउद्दीन शेख, निसार शेख, मुस्ताक लालकोट, जावेद पटेल यांच्यासह मुस्लिम समाजातील मान्यवर सर्वपक्षीय कार्यकर्ते मोठ्या संख्येने सहभागी झाले होते.
