सोलापूर – १ मे महाराष्ट्र दिनाचे औचित्य साधून महाराष्ट्र नवनिर्माण सेना सोलापूर शहर व जिल्ह्याच्या वतीने विविध उपक्रमांचे आयोजन सोलापूर शहरातील सोन्या मारुती चौकातील मध्यवर्ती कार्यालयात मनसे नेते दिलीप धोत्रे यांच्या हस्ते मनसे सदस्य नोंदणी अभियान, एनसीएमसी कार्ड शिबिर व तसेच कामगार शिक्षक व मनसैनिकांचा गौरव करण्यात आला.
मनसे अध्यक्ष राज ठाकरे यांच्या आदेशाने संपूर्ण महाराष्ट्रात मनसे सदस्य नोंदणी अभियानाचा शुभारंभ करण्यात आला असून सोलापूर शहरातही मनसे सदस्य नोंदणीस प्रारंभ करण्यात आला आहे. एनसीएमसी कार्ड शिबिरास नागरिकांनी उस्फूर्तपणे प्रतिसाद दिला असून हे शिबिर व नोंदणी अभियान आज आणि उद्या दोन दिवस राहणार असल्याची माहिती जिल्हाध्यक्ष विनायक महिंद्रकर यांनी दिली.
मराठी भाषेसाठी प्राविण्याने कार्य करणाऱ्या व्यक्तिमत्त्वांचा यावेळी सत्कार करण्यात आला. यामध्ये पद्माकर कुलकर्णी, मनोज काटकर, रवी चव्हाण, शामल गलांडे, विजय खाडे, श्रीधर गुडेली, अल्ताफ पठाण, मोहन माडे, मंगल चव्हाण यांचा सत्कार करण्यात आला.
सदर प्रसंगी जिल्हाध्यक्ष विनायक महिंद्रकर, शहराध्यक्ष जैनुद्दीन शेख, अमर कुलकर्णी, अभिषेक रंपुरे, संतोषकुमार घोडके, विश्वास गजभार, प्रकाश कोळी, प्रसाद कुमठेकर, जितेंद्र टेंभुर्णीकर, सुभाष माने, जयश्री हिरेमठ, गणेश भोसले, गणेश राऊत, समर्थ माळगे, अभिषेक इरकल, सैफन जमखंडी, श्रीराज महिंद्रकर, प्रथमेश घनाते, देविदास उत्तरकर, सुनील स्वामी, नागेश हिरेमठ आदी उपस्थित होते.
