[] हदगाव नगरपरिषदेच्या वतीने स्वातंत्र्य दिनानिमित्त तिरंगा रॅलीचे उत्साहात आयोजन []

हदगाव तालुका प्रतिनिधी:-
देशाप्रती नागरिकांच्या हृदयात देश भावना जागृत व्हावी तसेच राष्ट्रीय ध्वजाबद्दल मोठ्या प्रमाणात जागरूकता निर्माण व्हावी यासाठी केंद्र व राज्य शासनाच्या मार्गदर्शक सुचना अंतर्गत हर घर तिरंगा या उपक्रमा अंतर्गत नगरपरिषद हदगाव मार्फत नगर परिषदेचे मुख्याधिकारी नितीन लुंगे यांच्या अध्यक्षतेखाली तिरंगा रॅलीचे आयोजन करण्यात आले. सदर उपक्रमास अविनाश कांबळे उपविभागीय अधिकारी कार्यालय हदगाव, विनोद गुंडमवार तहसीलदार तथा प्रशासक नगर परिषद हदगाव यांची प्रमुख उपस्थिती होती.
कार्यक्रमाच्या सुरवातीला नगर परिषद हदगाव येथे घरो घरी तिरंगा लावल्या बाबत ची स्वाक्षरी मोहीम घेण्यात आली.

उपस्थित सर्व शिक्षक,कर्मचारी,विद्यार्थी व नागरिकांना तिरंगा शपथ देण्यात आली व अविनाश कांबळे उपविभागीय अधिकारी उपविभागीय कार्यालय हदगाव,विनोद गुंडमवार ,तहसीलदार तथा प्रशासक नगर परिषद हदगाव व नितीन लुंगे मुख्याधिकारी नगर परिषद हदगाव यांच्या हस्ते हिरवा झेंडा दाखवून तिरंगा रॅलीस सुरुवात करण्यात आली.

हदगाव शहरातील विवेकानंद विद्यालय येथील शिक्षक,विद्यार्थी व हदगाव शहरातील नागरिकांनी मोठ्या प्रमाणात सहभाग नोंदविला. सदर तिरंगा रॅली ही मोठ्या उत्साहावर्धक वातावरणात गाजत वाजत वंदे मातरम् चे नारे देत नगर परिषद हदगाव ते डॉ.बाबासाहेब आंबेडकर चौक मार्गे नगर परिषद हदगाव कार्यालय येथे समाप्त करण्यात आली. सदर रॅली चे संपूर्ण नियोजन नगर परिषदेचे कार्यालयीन अधीक्षक सतीश देशमुख यांनी केले. सदर रॅली मध्ये नगर परिषदेचे सचिन वाघमारे, कुलदीप बोकारे ,प्रसाद कदम, चक्रपाणी कदम, प्रवीण मंगनाळे, सखाराम बोरकर, प्रणाली मुजमुळे, शेख अजीम, अर्चना वानखेडे यांच्यासह इतर विभागातील कर्मचारी ही उपस्थित होते.

Post Views: 65