हाय रिस्क असेल्यांपैकी 7 जण रुग्णालयात दाखल मलप्पुरम, 22 जुलै (हिं.स.) : केरळच्या मलप्पुरममध्ये निपाह व्हायरची लागण झालेल्या 14 वर्षीय मुलाचा मृत्यू झाला आहे. या मुलावर कोझिकोड येथील रुग्णालयात उपचार सुरू होते. दरम्यान, याबाबत
केरळच्या आरोग्य मंत्री वीणा जॉर्ज यांनी ही माहिती दिली आहे.
वीणा जॉर्ज म्हणाल्या की, मृताचे 6 मित्र आणि एका 68वर्षीय पुरुषाची निपाह संसर्गाची चाचणी करण्यात आली होती, पण त्यांचे अहवाल निगेटिव्ह आले आहेत. केरळमध्ये निपाह व्हायरसमुळे मृत्यूची ही पहिलीच घटना आहे. मुलाच्या थेट संपर्कात आलेल्या लोकांपैकी 101 जण हाय रिस्कमधील आहेत, त्यापैकी 7 जणांना उपचारासाठी रुग्णालयात दाखल करण्यात आले आहे, मृत मुलाच्या कुटुंबातील कोणत्याही सदस्यामध्ये निपाह संसर्गाची लक्षणे आढळून आली नाहीत.आरोग्य विभागाने रविवारी दोन पंचायतींमधील 307 घरांचे
सर्वेक्षण केले,
यामध्ये साथीचे केंद्र असलेल्या पंडिक्कडसह 18 जण तापाचे रुग्ण आढळले, तर अनक्कयम पंचायतीमधील 310 घरांच्या सर्वेक्षणात तापाचे 10 रुग्ण आढळले. यापैकी कोणही मुलाच्या थेट संपर्कात नसल्याचे आरोग्यमंत्र्यांनी सांगितले. निपाह व्हायरसमुळे दगावलेला मुलगा पंडिक्कड येथील असून रविवारी सकाळी 10.50 वाजता त्याला हृदयविकाराचा झटका आला, मात्र तो वाचू शकला नाही. “तो बेशुद्ध होता आणि त्याला व्हेंटिलेटरवर ठेवण्यात आले होते.
हृदयविकाराचा झटका आल्यानंतर त्याला वाचवण्याचे अनेक प्रयत्न करण्यात आले, परंतु सर्व प्रयत्न अयशस्वी ठरले आणि त्याचे अंत्यसंस्कार आंतरराष्ट्रीय प्रोटोकॉलनुसार करण्यात येणार असल्याचे मंत्र्यांनी सांगितले.जिल्हा दंडाधिकारी मुलाच्या पालकांशी आणि कुटुंबाशी चर्चा करतील आणि त्यानंतरच अंतिम संस्कारांबाबत निर्णय घेतला जाणार आहे.
