मोडनिंब – (ता.माढा) येथे विश्वशांती वेल्फेअर फाउंडेशन यांच्या वतीने निलेश पाटील यांच्या वाढदिवसानिमित्त रक्तदान व आरोग्य तपासणी शिबिरास नागरिकांचा उत्स्फूर्त प्रतिसाद लाभला. सामाजिक बांधिलकी जपत आयोजित करण्यात आलेल्या माढा विधानसभा मतदारसंघाचे आमदार अभिजीत पाटील यांनी उपस्थित राहून शुभेच्छा दिल्या.या उपक्रमामध्ये शेकडो नागरिकांनी सहभाग नोंदविला.सोलापूर ब्लड सेंटरच्या सहकार्याने आयोजित रक्तदान शिबिरात तब्बल १९१ रक्तदात्यांनी रक्तदान करून सामाजिक दायित्व पार पाडले. तसेच ट्युलिप हॉस्पिटल, पंढरपूर यांच्या माध्यमातून घेण्यात आलेल्या हाडांच्या विकारांच्या मोफत तपासणी शिबिराचा ७८ नागरिकांनी लाभ घेतला.याशिवाय बुधराणी हॉस्पिटल, कोरेगाव पार्क (पुणे) यांच्या सहकार्याने आयोजित नेत्र तपासणी शिबिरात १७४ नागरिकांनी डोळ्यांची तपासणी करून चष्म्यांचा लाभ घेतला, तर चार रुग्णांची मोतीबिंदू शस्त्रक्रियेसाठी निवड करण्यात आली असल्याची माहिती निलेश पाटील यांनी दिली. लकी ड्रॉ बक्षिस वितरण कार्यक्रमादरम्यान पहिले बक्षीस चार्जिंग स्कूटी हे नितीन मच्छिंद्र जाधव (उपळाई खुर्द दुसरे बक्षीस पाणी फिल्टर हे महाडिक बावी यांना, तिसरे बक्षीस शिलाई मशीन हे सागर मोरे (अरण) यांना तर चौथे बक्षीस रेंजर सायकल हे तुपे (वांगरवाडी) यांना प्रदान करण्यात आले.या उपक्रमामुळे रक्तदान, आरोग्य जनजागृती आणि सामाजिक सेवेला चालना मिळाली असून नागरिकांनी आयोजकांचे कौतुक केले. निलेश पाटील यांच्या वाढदिवसानिमित्त आयोजित या उपक्रमाने समाजसेवेचा आदर्श निर्माण केला.
