डावरगाव देवीच्या तरुणाला यू ट्यूबचा सिल्व्हर अवॉर्ड
प्रतिनिधी । टेंभुर्णी
डावरगाव देवी येथील प्रताप नवले या युवकाच्या चॅनलला यू ट्यूबकडून सिल्व्हर अवॉर्ड मिळाला त्याबद्दल त्याचा राजकीय , सामाजिक, शैक्षणिक व पत्रकार बांधव तसेच मित्र परिवारानी सत्कार करून अभिनंदन केले आहे. समाजमाध्यमात वेगळ्या पद्धतीने यश मिळवून त्यात करिअर करणारा प्रताप नवले हा जाफराबाद तालुक्यातील पहिला मानकरी ठरला आहे.
जाफराबाद तालुक्यातील डावरगाव देवी या छोट्याशा गावात राहणाऱ्या प्रताप नवले याने एमए, बीमसीजे पदवी मिळवलेली आहे.परंतु घरची परिस्थिती हालाखीची असल्याने त्यानें टेंभुर्णी येथे फोटोग्राफी व ऑनलाईन सेंटर छोट्यासा व्यवसाय केला सूरू केला . त्यासोबतच पत्रकारितेची पदवी त्याच्याकडे असल्याने त्याने काही दिवस इलेक्ट्रॉनिक मीडियामध्ये काम केले. त्या सोबतच त्यानें स्वत: च्या प्रताप नवले नावाने यूट्यूब चॅनेल काढले, त्या चॅनेलवर शेतीसंबंधी, उद्योग व्यवसाय, विविध शासकीय योजना, ऐतिहासिक स्थळे, जुन्या वाहनाची माहिती, बैलबाजार माहिती त्यांच्या चॅनेलवर व्हिडियो माध्यमातून टाकत गेला अन् आज त्याच्या यूट्यूब चॅनेलवर एक लाखाच्या वरती सबस्क्राइबर झाले आहेत. त्यामूळे यूट्यूब कडून सिल्व्हर बटण वार्ड देण्यात आला आहे.
आजच्या डिजिटल युगात करिअरच्या अनंत संधी आहेत.
आज सोशल मीडियामध्ये करिअर करण्याच्या असंख्य संधी निर्माण झालेल्या आहेत, इंटरनेटमुळे सर्व जग जोडले गेले आहे. अगदी घरी बसून देखील तुमची विदेशी कंपन्यांसाठी काम करू शकता. तुम्हाला लिखाणाची आवड असेल तर ब्लॉग निर्माण करून पैसे कमवू शकता किंवा तुमच्यामध्ये विविध कला असेल तर युट्युब आणि अन्य सोशल मीडिया माध्यमांद्वारे कमाई करू शकता, त्यात करिअर करून तुम्ही सेटल होऊ शकता. असे
प्रताप नवले यांनी सांगीतले.
