सोलापूर : सत्यनाम आदिशक्ती नवरात्र महोत्सव २०२६ च्या पदाधिकाऱ्यांची निवड मंडळाचे ज्येष्ठ सदस्य माजी अध्यक्ष देविदास शागालोलु यांच्या अध्यक्षतेखाली संपन्न झाली. यावेळी २०२६ च्या नवरात्र महोत्सवासाठी पदाधिकाऱ्यांची निवड करण्यात आली. त्यामध्ये अध्यक्षपदी प्रविण वाडे यांची निवड करण्यात आली.
यावेळी मंडळाचे आधारस्तंभ तथा ज्येष्ठ नेते सुधीर खरटमल यांच्या उपस्थितीत नवनिर्वाचित पदाधिकाऱ्यांचा सत्कार करून त्यांना पुढील कार्यासाठी शुभेच्छा देण्यात आल्या. गेल्या ४० ते ४५ वर्षांपासून सुधीर खरटमल यांनी मंडळाच्या विविध उपक्रमांमध्ये विशेष योगदान देत मंडळाच्या कार्याला सातत्याने पाठबळ दिले आहे. त्यांच्या मार्गदर्शनामुळे मंडळाच्या धार्मिक, सांस्कृतिक व सामाजिक उपक्रमांना चालना मिळाली आहे.
उपाध्यक्षपदी नागेश लिंगराज व आनंद लोकेकर, कार्याध्यक्षपदी संजय मोतेकर, सचिवपदी शुभम शागालोलू, सहसचिवपदी भूषण हेमरेड्डी यांची निवड करण्यात आली. तसेच लेझीम प्रमुखपदी निखिल आयगोळे, लक्ष्मीकांत वाडे, रोहित गुजरे व आकाश सायबोळू तर मिरवणूक प्रमुखपदाची जबाबदारी सर्व माजी अध्यक्षांवर सोपविण्यात आली आहे.
यावेळी माजी अध्यक्ष मारुती माळगे, अनिल वाडे, माजी अध्यक्ष सायण्णा, शागालोलु, अंबादास मोतेकर, नंदकुमार वाडे, श्रीनिवास लिंगराज, जगदीश मद्राशी, वैभव वाडे, अशोक आयगोळे मडांळाचे पदाधिकारी, सदस्य व कार्यकर्ते मोठ्या संख्येने उपस्थित होते.
