बार्शी – सुयश विद्यालय, बार्शी येथे राबविण्यात येणाऱ्या फाउंडेशन कोर्सच्या गुणवत्तेचा पुन्हा एकदा प्रत्यय आला आहे. सायन्स ओलंपियाड फाउंडेशन (SOF) अंतर्गत घेण्यात आलेल्या सायन्स ओलंपियाड व मॅथेमॅटिक्स ओलंपियाड या आंतरराष्ट्रीय स्तरावरील परीक्षांमध्ये विद्यालयातील विद्यार्थ्यांनी उल्लेखनीय यश संपादन करत इंटरनॅशनल गोल्ड, इंटरनॅशनल ब्राँझ, झोनल गोल्ड व झोनल ब्राँझ पदकांची भरघोस कमाई केली.
सुयश विद्यालयात विद्यार्थ्यांच्या सर्वांगीण विकासासाठी व विविध स्पर्धा परीक्षांची भक्कम तयारी व्हावी या उद्देशाने फाउंडेशन कोर्स प्रभावीपणे राबविण्यात येतो. या कोर्सच्या माध्यमातून विद्यार्थ्यांना सायन्स, गणित व इंग्रजी विषयांच्या आंतरराष्ट्रीय ओलंपियाड परीक्षांसाठी सक्षमपणे तयार केले जाते. शैक्षणिक वर्ष २०२५–२६ मध्ये विद्यालयातील ३५ विद्यार्थ्यांनी राष्ट्रीय व आंतरराष्ट्रीय स्तरावर उल्लेखनीय यश संपादन करुन विद्यालयाचा नावलौकिक उंचावला.
सायन्स ओलंपियाड– झोनल ब्राँझ पदक विजेते विद्यार्थी-
मानस मारुती जाधव– झोनल ब्राँझ, सानवी संदीप गायकवाड– झोनल ब्राँझ, स्नेहजीत संजय पाटील– झोनल ब्राँझ, स्वराली श्रीनिवास धोंगडे– झोनल ब्राँझ, आरोही नरसिंह अंबुरे– झोनल ब्राँझ, विरेन आशय सातारक – झोनल ब्राँझ, अद्विक जयकुमार घनचेकर– झोनल ब्राँझ, मनस्वी रविकांत शिंदे– झोनल ब्राँझ, युवा मयूर बलदोटा – झोनल ब्राँझ, अद्विका धीरज पवार– झोनल ब्राँझ, रेहान शाहिद सौदागर– झोनल ब्राँझ, अविनाश गणेश शिंदे– झोनल ब्राँझ, अवंती सुदर्शन पवार– झोनल ब्राँझ, अन्वी प्रसाद तळेकर– झोनल ब्राँझ.
मॅथेमॅटिक्स ओलंपियाड– इंटरनॅशनल गोल्ड/झोनल गोल्ड/ इंटरनॅशनल ब्राँझ पदक विजेते विद्यार्थी- ओवी समाधान रोटे – इंटरनॅशनल गोल्ड, नक्षत्रा धनेश जगदाळे- इंटरनॅशनल गोल्ड, रेहान शाहिद सौदागर– इंटरनॅशनल गोल्ड, श्लोक नरेंद्र कंगेटी– इंटरनॅशनल गोल्ड, शौर्य उमेश देशमाने– इंटरनॅशनल गोल्ड, मनस्वी रविकांत शिंदे– इंटरनॅशनल गोल्ड, अनिरुद्ध गणेश राऊत– झोनल गोल्ड,
8. विरेन आशय सातारकर – इंटरनॅशनल ब्राँझ पदक, आरोही नरसिंह अंबुरे– इंटरनॅशनल गोल्ड, स्वराली श्रीनिवास धोंगडे– इंटरनॅशनल गोल्ड, त्रिशा तुषार पाडुळे– इंटरनॅशनल गोल्ड, सानवी संदीप गायकवाड – इंटरनॅशनल गोल्ड, मानस मारुती जाधव– इंटरनॅशनल गोल्ड, कार्तिक श्रीपाद कोळेकर– इंटरनॅशनल गोल्ड, कुणाल बिरमल रोंगे– इंटरनॅशनल गोल्ड, वेणू सचिन बुरांडे– इंटरनॅशनल गोल्ड, अभिनव अजित निकम– इंटरनॅशनल गोल्ड.
या यशस्वी विद्यार्थ्यांना सायन्स विषयासाठी श्रीमती मोनल डमरे व श्रीमती अमृता गवारे तर गणित विषयासाठी श्रीमती लता आंबुरे व श्रीमती अनुराधा जाधव यांनी मार्गदर्शन केले.
यशस्वी विद्यार्थ्यांचा गौरव समारंभ उत्साहपूर्ण वातावरणात पार पडला. कार्यक्रमाच्या अध्यक्षस्थानी बार्शी नगरपरिषदेचे उप मुख्याधिकारी विठ्ठल पाटोळे हे उपस्थित होते. तसेच संस्थेचे संस्थापक शिवदास नलवडे, मार्गदर्शिका सौ. प्रतिभा नलवडे, मुख्याध्यापिका श्रीमती अलका जगताप तसेच उपमुख्याध्यापक येवले सर यांची प्रमुख उपस्थिती लाभली.
मान्यवरांच्या हस्ते पदके स्वीकारताना विद्यार्थ्यांच्या चेहऱ्यावर आनंद आणि अभिमान स्पष्ट दिसून येत होता. उपस्थित मान्यवरांनी विद्यार्थ्यांचे, त्यांच्या पालकांचे व मार्गदर्शक शिक्षकांचे अभिनंदन करुन भविष्यातही अशाच उज्ज्वल यशासाठी शुभेच्छा दिल्या.
सुयश विद्यालयाने स्पर्धा परीक्षांमधील आपली गुणवत्ता पुन्हा एकदा सिद्ध करत राष्ट्रीय व आंतरराष्ट्रीय स्तरावर यशाचा नवा मानदंड प्रस्थापित केला असून या उल्लेखनीय कामगिरीबद्दल विद्यालयावर सर्व स्तरांतून अभिनंदनाचा वर्षाव होत आहे.
