मोडनिंब येथील सार्वजनिक शिवजन्मोत्सव मंडळाच्या वतीने शिवजयंतीचा नवा आदर्श निर्माण करून मिरवणुकीचा खर्च टाळून पंढरपूर येथील पालवी संस्थेस मदत देण्यात आली.
मोडनिंबच्या तरुणांकडून शिवरायांचा विचारांचा वारसा जपला जातोय त्यांचे प्रचंड कौतुक आहे. तरुणांना खर्च करण्यासाठी व्यावधन खूप असताना त्यांच्या रंजल्या गांजल्या मदतीच्या कार्यान शिवरायांना खरी आदरांजली आहे, असे पालवी संस्थेच्या डिंपल घाडगे यांनी सांगितले.
शिवजयंतीचे औचित्य साधून सार्वजनिक शिवजन्मोत्सव मंडळाच्या वतीने सामजिक बांधिलकी जपत वृक्षारोपण, सामजिक उपक्रम राबविले आहेत. कोणत्याही स्वरूपाची रोख रक्कम न स्विकारता आवश्यक वस्तू जमा करून संस्थेत पोहोच करण्यात आल्या. मंडळाच्या या उपक्रमाला मोडनिंब करांनी उदंड प्रतिसाद देत भरघोस मदत केली.
यावेळी वैभव पाटील, प्रथमेश पवार,आकाश पाटील, शुभम पाटणे, ऋषी पाटील, आप्पा पाटील,विशाल पाटील,शंभू सुर्वे, यश देवकर, राज पाटील,अजिंक्य निकम, आकाश गुळवे, विनायक सुर्वे, शिवराज पाटील, शुभम काळे,विकी पुरवत, राम पाटील आदी उपस्थित होते. मंडळाने दाखविलेल्या सामाजिक बांधिलकीचे सर्वत्र कौतुक होत आहे.
