अभ्यास करण्यासाठी म्हणून वरच्या खोलीत गेलेला कॉलेजकुमार मुलगा खाली आलाच नाही. अखेर त्याला बोलवण्यासाठी गेलेल्या आईला पोटचा गोळ्यानं नॉयलॉन दोरीच्या सहाय्यानं गळफास घेतल्याचे दिसले अन् एकच गोंधळ उडाला. अभिषेक महावीर बिडकर (वय- १७, रा. उत्कर्ष नगर, सोलापूर) असे गळफास घेतलेल्या मुलाचे नाव आहे. यातील गळफास घेतलेला अभिषेक महावीर बिडकर हा वालचंद कॉलेज मध्ये वाणिज्य विभागात शिकत होता.
तो अभ्यास करतो म्हणून घरातील वरच्या खोलीमध्ये गेला. बराच वेळ झालेतरी मुलगा खोलीतून खाली न आल्याने आई वरच्या खोलीत त्याला बोलावण्यासाठी गेली. खोलीचा दरवाजा आतून बंद होता. आवाज देऊनही त्याच्याकडून प्रतिसाद मिळाला नाही. त्यामुळे दरवाजा तोडून आत पाहिले तर अभिषेकने पत्र्याच्या वाशाला नायलॉन दोरीच्या साह्याने गळफास घेतल्याचे दिसून आले. आईला काहीच कळेना तिने आरडाओरडा करुन नातलगांना जमा केले. सर्वांच्या मदतीने त्याला खाली उतरवून बेशुद्ध अवस्थेत शासकीय रुग्णालयात शेजारी सचिन बिजर्गी यांनी दाखल केले. येथे डॉक्टरांनी तपासणी केली असता त्याचा उपचारापूर्वीच मृत्यू झाल्याचे घोषित केले.
