छत्रपती संभाजीनगर- ऑटीस्टीक अर्थात स्वमग्न मुलांसाठी महाराष्ट्रातील पहिला निवासी प्रकल्प आरंभ सोसायटी फॉर ऑटिझम अँड स्लो लर्नर चिल्ड्रन या स्वयंसेवी संस्थेतर्फे छत्रपती संभाजीनगर मध्ये साकारत आहे. पाडव्याच्या मुहूर्तावर बुधवार दि.२२ मार्च रोजी मान्यवरांच्या उपस्थित प्रकल्पाचे भूमिपूजन थाटात पार पडले. दोन वर्षात प्रकल्प पूर्णत्वास नेऊन स्वमग्न मुलांसाठी एकाच छताखाली विशेष शिक्षणासहित सर्व उपचार पद्धती आणि निवासाची सोय आणि इतर सोयी सुविधा उपलब्ध करून देण्याचा प्रयत्न असल्याचे आरंभच्या संचालिका अंबिका टाकळकर यांनी सांगितले.
आपल मुल अपंग आहे जे स्विकारण जितक कठिण असते त्यापेक्षा कितीतरी पटीने पुढच आयुष्य. पालक, डॅाक्टर शॅापींग , थेरपी देव दैव हे सगळं करत असतानां , दिवस , महिने आणि वर्ष भराभर निघुन जातात. बघता बघता मुल मोठ होत आणि आयुष्य न जगताच आई बाप वृद्ध अर्थात म्हातारे होत जातात. मुलांचा वयाच्या प्रत्येक टप्पावरच्या समस्या वेगळ्या. मुल मोठी झाली की त्यांची ताकद वाढते अन् मुलांचे करून करून आई बापाची कमी झालेली असते. अश्यावेळी सगळ्यात महत्वाचा प्रश्न असतो तो आमच्यानंतर मुलांचे काय ? ह्याच प्रश्नाचे उत्तर शोधण्यासाठी आरंभने स्वमग्न गतीमंद मुलांसाठी निवासी वसतीगृह सुरू करण्याचा ठरवले. लोकसहभागातून प्रकल्पासाठी जमिन खरेदी करण्यात आली असून प्रकल्पही लोकसहभागातूनच उभारण्यात येणार आहे.
वाळूज जवळ औरंगाबाद पुणे महामार्गापासून एक किलोमीटरवर हनुमंतगाव येथे हा प्रकल्प उभारण्यात साकार घेत आहे. स्वमग्न मुलांसाठी ऑटिझम फ्रेंडली शाळा आणि वसतिगृह असे प्रकल्पाचे स्वरूप असेल. जेथे विशेष शिक्षणाबरोबरच व्यवसाय प्रशिक्षण आणि रोजगार केंद्र, थेरीपी सेंटर, सेन्सरी गार्डन, स्विमिंग पूल, पालक प्रशिक्षण केंद्र यासहीत विविध सोयी सुविधा टप्या टप्याने उबलब्ध करून देण्यात येणार आहेत.
स्वमग्न मुलांच्या गरजा आणि शिक्षण इतर विशेष मुलांच्या तुलनेत अतिशय वेगळे आणि अवघड असल्याने स्वमग्न मुलांना विशेष मुलांच्या वसतीगृहात प्रवेश मिळणे अतिशय अवघड जाते. त्याच्यासाठी ऑटिझम फ्रेंडली वातावरण आणि इन्फ्रास्ट्रक्चर आवश्यक असते. महाराष्ट्रात ऑटिझम फ्रेंडली निवासी शाळा नसल्याने आरंभचा संगोपन हा निवासी प्रकल्प राज्यात पहिला ठरणार आहे. कर्यक्रम प्रसंगी विशेषपाहुण्यासहीत आरंभचा प्रत्येक विद्यार्थी आणि पालक यांच्याहस्ते कुदळ मारून भूमिपूजन तसेच वृक्षरोपण करण्यात आले.
भूमिपूजन समारंभास उद्योग क्षेत्रातिल मिलिंद कंक, प्रमोद ताकवले, अभय हंचनाळ, मिलिंद दामोदरे, वाजुज गाव, आणि हनुमंतखेडा गावचे सरपंच आरंभचे अध्यक्ष बाळासाहेब टाकळकर, विश्वस्त वैशाली सुतावणे, शशांक कोनो, चेतन पाटील, तसेच वाळूज पोलीस ठाण्याचे अधिकारी इंगोले, डॉ. मुक्ता कुलकर्णी, डॉ. प्रिया भाले, मंजुषा राऊत, सुनिता तगारे, विक्रांत देशमुख, वेद शर्मा, गौरी देशपांडे, किशोर गठडी, यांच्यासहित पालक, विद्यार्थी मोठ्या संख्येने उपस्थित होते. कार्यक्रम यशस्वी करण्यासाठी आरंभचे आनंद पोळ, गोपाल देशमुख,विजयश्री जाईबहार, अश्विनी वांढेकर, शोएब शेख, किशोर गायकवाड, किरण जोशी, सिद्धेश रेवणकर, रेखा मोरे, चंद्रकला मिसाळ यांनी परिश्रम घेतले.
