नांदेड जिल्ह्यातील बिलोली नगरपरिषदेच्या मालकीचा सर्व्हे नं. 35/2 मधील 25 आर ही जागा तात्पुरती सहिती एज्युकेशन सोसायटी बिलोली एफ नं. 7683 यांना (Little Flower Convent ) इंग्रजी माध्यमिक शाळे करीता दिली होती. सदरील जागा ही नगरपरिषदेच्या ताब्यात घेऊन त्या जागेवर केलेले अनाधिकृत बांधकाम पाडून टाकणे करीता आदेश होऊनही अद्याप जागा ही ताब्यात न दिल्याने व या प्रकरणी अतिरिक्त न्यायालय, बिलोली यांनी दिलेल्या आदेशाचे उल्लंघन करणारे संस्थापक अध्यक्ष कोणेरु व्यंकट साहेबराव, के. राजानी राणी यांच्या विरुध्द फौजदारी गुन्हा दाखल करुन सदरील जागा इमारतासहीत ताब्यात
उपरोक्त विषयी तक्रार अर्ज सादर करण्यात येतो की, बिलोली नगरपरिषद येथील गट / सर्व्हे नं. 35 / 2 मधील 25 आर जागा ही नगरपरिषदेच्या सर्वसाधारण ठराव क्र. 12 दिनांक 30/08/2005 रोजी सहिती एज्युकेशन सोसायटीला ( Little Flower Convent ) शाळेला जागा ही 11 महिन्याच्या करारावर दिली होती. परंतु ते करार 11 महिन्यानंतर संपुष्ठात आले व नगरपरिषदेच्या मालकीची भोगवटदार वर्ग-135 / ब या जागेतील 25 आर जमिन ही शाळेला दिली असता, ती जागा तात्काळ रिकामी करण्याकरीता नगरपरिषदचे मुख्याधिकारी यांनी वेळोवेळी शाळेचे संस्थापक यांना पत्र व्यवहार केले व तसेच त्या जागेवर दोन मजली इमारत बांधल्या प्रकरणी ती तात्काळ पाडण्यात यावी व सदरील जागा ही नगरपरिषदेला परत करण्यात यावी याबाबत आदेश दिले होते. तद्नंतर हे प्रकरण शाळेच्या अध्यक्षाकडून बिलोली न्यायालया मध्ये सिव्हील केस नं. 65/2006 दाखल करण्यात आला. त्या केस मध्ये नगरपरिषदेकडून सरकारी विधीज्ञ यांनी बाजु मांडल्याने न्यायालयाने 10 वर्षानंतर शाळेच्या अध्यक्षाची केस दिनांक 04/02/2016 रोजी रद्दबातल करुन सदरील जागा ही नगरपरिषदेच्या ताब्यात घ्यावी म्हणून आदेश केले.
तद्नंतर या आदेशाला अतिरिक्त जिल्हा न्यायालय, बिलोली येथे नेण्यात आले. त्याचे सिव्हील अपिल क्र. 15/2016 रोजी बिलोली येथे 5 वर्ष जिल्हा न्यायालयात केस चालली. न्यायालयाने दोन्ही बाजु ऐकत दिनांक 05/10/2021 रोजी शाळेचे अध्यक्ष यांची केस रद्द करुन नगरपरिषद, बिलोली यांच्या बाजुने निर्णय दिला व सदरील जागा ही दोन मजली इमारतीसहीत नगरपरिषद बिलोलीकडे देण्याचे व नगरपरिषदेने सदरील इमारत ताब्यात घेण्याकरीता आदेशीत केले आहे. असे असतानाही बिलोली नगरपरिषदेची मालकीची जागा सर्व्हे / गट नं. 35 / 2 मधील 25 आर मुख्य बाजार पेठात असलेली जागा ही अद्याप (Little Flower Convent ) चे अध्यक्ष यांच्या ताब्यात आहे व या जागेवर दोन मजली भव्य इमारत उभी केलेली आहे. ही जागा 18 वर्षापासुन कोणतेही नगरपरिषदेचे उत्पन्न झालेले नाही व या जागेचा वापर विनामुल्य होत आहे.
सहिती एज्युकेशन सोसायटी, बिलोलीचे अध्यक्ष कोणेरु व्यंकट साहेबराव तसेच मुख्याध्यापक के. राजानी राणी यांच्या विरुध्द शासकिय जमिन बळकाविल्या प्रकरणी त्यांच्या विरुध्द फौजदारी गुन्हा दाखल करावा अशी मागणी केली होती तसेच त्यांच्याकडून आजपर्यंतचा भाडे वसूल दहापट्टीने वसूल करावा व सदरील पुर्ण जागा इमारतीसह नगरपरिषद, बिलोली यांच्या ताब्यात घ्यावी. अशी मागणी केली होती पण आज या प्रकरणात यश मिळालेल्या आहेत अशी माहिती शेख जाकीर शेख सगीर (महाराष्ट्र भूषण) ( नगरसेवक न.पं. अर्धापूर) संस्थापक अध्यक्ष जनहित माहिती सेवा समिती, महाराष्ट्र रा. बरकतपुरा, अर्धापूर, ता. अर्धापूर जि. नांदेड यांनी पत्रकार परिषदेत सांगितले
