राज्यसभेच्या 15 जागांसाठी आज, मंगळवारी मतदान होत आहे. या जागा उत्तर प्रदेश, हिमाचल आणि कर्नाटकातील आहेत. राज्यसभेच्या 56 जागांपैकी 41 जागांवर उमेदवार बिनविरोध निवडून आले. तीन राज्यांतील 15 जागांसाठी आज सकाळी 9 वाजता मतदानाला सुरुवात झाली असून हे मतदान दुपारी 4 वाजेपर्यंत चालणार आहे. तर संध्याकाळी 5 वाजेपासून मतमोजणी होऊन निकाल अपेक्षित आहे.
राज्यसभेच्या 56 जागांसाठी 27 फेब्रुवारी म्हणजेच मंगळवारी निवडणूक होणार आहे. 15 राज्यांतील या 56 जागांपैकी 41 जागांवर निवडणूक बिनविरोध झाली आहे. गुजरात, छत्तीसगड, हरियाणा, उत्तराखंड, बिहार, मध्य प्रदेश, महाराष्ट्र, राजस्थान, पश्चिम बंगाल, आंध्र प्रदेश, तेलंगणा आणि ओडिशा राज्यातील 41 जागांवर चित्र स्पष्ट आहे. या राज्यांतील प्रत्येक जागेवर एकच उमेदवार उभा राहिला. अशा स्थितीत हे उमेदवार बिनविरोध निवडून आले आहेत. आता फक्त उत्तर प्रदेश, हिमाचल आणि कर्नाटकचा प्रश्न अडकला आहे. उत्तर प्रदेशामधील राज्यसभा निवडणुकीकडे सर्वांच्या नजरा लागल्या आहेत. येथे भाजपने आठवा उमेदवार उभा करून विरोधकांची धडधड वाढवली आहे. यूपीप्रमाणेच हिमाचल आणि कर्नाटकातही उलथापालथ होण्याची शक्यता आहे. या निवडणुकांचे निकाल आजच म्हणजे 27 फेब्रुवारीलाच लागणार आहेत. उत्तर प्रदेश, कर्नाटक आणि हिमाचलमध्ये 15 जागांवर निवडणूक होणार आहे. यूपीमधून 10 जागांसाठी 11 उमेदवार रिंगणात आहेत. भाजपने माजी खासदार चौधरी तेजवीर सिंह, माजी केंद्रीय मंत्री आरपीएन सिंह, अमरपाल मौर्य, संगीता बलवंत, सुधांशू त्रिवेदी, साधना सिंह, नवीन जैन आणि संजय सेठ असे आठ उमेदवार उभे केले आहेत. तर समाजवादी पक्षाने जया बच्चन, रामजीलाल सुमन आणि आलोक रंजन यांना उमेदवारी दिली आहे.
