नवीन नांदेड प्रतिनिधी
नांदेड वाघाळा शहर महापालिका गुरुद्वारा लंगर साहेब नांदेड वृक्षमित्र फाउंडेशन नांदेड यांच्या वतीने हरित नांदेड अभियान -२०२४ आयोजित महावृक्ष लागवड कार्यक्रमाचे आयोजन दिनांक १० जुलै रोजी करण्यात आले होते या वृक्ष लागवड कार्यक्रमात वृक्ष मित्रांना मार्गदर्शन करताना मनपाचे अतिरिक्त आयुक्त गिरीश कदम म्हणाले की झाडे लावण्यापेक्षा झाडे टिकवणे जगवणे महत्त्वाचे आहे त्यामुळे लागवड करण्यात आलेल्या वृक्षांची काळजी वृक्षमित्र व संबंधित संस्थानी घ्यावे.
नांदेड महानगरपालिका आयुक्त महेश कुमार डोईफोडे यांच्या मार्गदर्शनाखाली नांदेड महानगरपालिका अंतर्गत सिडको क्षेत्रीय कार्यालय परिसरातील वसंतराव नाईक महाविद्यालय जुनी इमारत ते डॉ. बाबासाहेब आंबेडकर चौक या मुख्य रस्त्याच्या दोन्ही बाजूनी दिनांक १० जुलै रोजी १२० झडे लावण्यात आली व सदरील झाडाचे संगोपनाची जबाबदारी वृक्षमित्र व सेवाभावी संस्थांनी घेतली आहेत.पुढील येणाऱ्या काळात हरित नांदेड अभियान २०२४ या अभियानामुळे पूर्ण शहर हरित दिसेल व यामुळे शहरातील वाढत्या तापमानास नियंत्रित करण्यासाठी तसेच नागरिकांच्या आरोग्याची सुरक्षा व भावी पिढीच्या भविष्यासाठी २५ हजार वृक्षांची लागवड व संगोपन अभियान राबवण्यात आले आहे.
या अभियानात विविध सहयोगी सेवाभावी संस्थांनी भाग घेऊन अभियान पूर्ण करण्याचा निर्धार केला असून तो यशस्वीरित्या पार पडत आहे. या वृक्ष लागवड अभियान कार्यक्रमाचे अध्यक्ष मनपाचे अतिरिक्त आयुक्त गिरीश कदम हे होते. यावेळी उद्यान अधीक्षक मिर्झा बेग, सहाय्यक आयुक्त सिडको झोन संभाजी कास्टेवाड, कार्यालयीन अधिक्षक विलास गजभारे, शिवाजी बाबरे, संतोष मुगटकर, मोहनराव पाटील घोगरे, पि.डी. झडते यांनी आपली मनोगत व्यक्त केले
यावेळी सामाजिक कार्यकर्ते डॉ. नरेश रायवार, तुकाराम पातेवार, सूर्यकांत भट्टमवार, सुषमा मोतेवार (सामाजिक वनीकरण), यांच्यासह मनपाचे कर्मचारी कर निरिक्षक संजय नागापूरकर, स्वच्छता निरीक्षक किशन वाघमारे, अर्जुन बागडे, मारोती सारंग, मालूम यनफळे, विठ्ठल आंबटवार, रवींद्र पवळे, महेंद्र पठाडे, प्रकाश दर्शने, सौ. मीना अडबलवार ,सौ. अर्चना जोंधळे, नथुराम चवरे, सुधीर कांबळे, श्यामसुंदर आरकुले, नरेंद्र सिंगे,सौ. माया जाधव, सौ.शशिकला रणबावळे,सौ. रेणुकाबाई कोपलवाड, दत्ता गिरी यांच्यासह सिडकोतील व्यापारी व नागरिक यांची उपस्थिती होती. या कार्यक्रमाचे सूत्रसंचालन संतोष मुगटकर यांनी केले तर उपस्थितांचे आभार पि.डी. झडते यांनी मानले
