तभा फ्लॅश न्यूज : कोसमेट (ता. उमरगा) येथील एका शेतात कोळपणी करत असताना विद्युत महावितरण विभागाच्या हलगर्जीपणामुळे मोठा अपघात घडला. विजेच्या तणावात उतरण्यामुळे शेतकऱ्याच्या बैलाचा विजेचा शॉक लागून जागीच मृत्यू झाला. अंदाजे ५० हजार रुपये किमतीचा हा बैल शेतकरी बालाजी शेषेराव वाघमारे यांचा होता.
दुपारी झालेल्या या घटनेत बालाजी वाघमारे यांनी बैलजोडीच्या मदतीने आपल्या शेतात पाच कोळपे धरून कोळपणी सुरू केली होती. त्यावेळी संदीप मॅकलवाड, नरसिंह जामगेवाड, दिगांबर मॅकलवाड आणि सुदाम अक्कमवाड हे कामगार त्यांना मदत करत होते.
शेतातच असलेल्या विद्युत खांबामधून तणावित वीज प्रवाहित झाल्याने एक कोळप शॉकच्या संपर्कात आला आणि त्याचा फटका बैलाला बसला. विजेचा जबरदस्त शॉक लागल्याने बैल जागीच कोसळून मृत झाला. सुदैवाने शेतात काम करणारे इतर पाच मजूर वेळीच बाजूला झाले, त्यामुळे मोठा अनर्थ टळला.
ही घटना समजताच परिसरात खळबळ उडाली असून, स्थानिकांनी महावितरण विभागाच्या हलगर्जीपणावर संताप व्यक्त केला आहे. शेतकऱ्याचे आर्थिक नुकसान भरून द्यावे आणि संबंधित अधिकाऱ्यांवर कार्यवाही करावी, अशी मागणी ग्रामस्थांकडून केली जात आहे.
या प्रकरणाची चौकशी करण्यात यावी आणि शेतकऱ्याच्या नुकसानीसाठी भरपाई देण्यात यावी, अशी मागणी जोर धरत आहे.
