मुदखेड / नांदेड – आगामी नगरपालिकेच्या निवडणुकीत काँग्रेस आणि भाजप या दोन्ही पक्षांनी उमेदवारी वाटपामुळे शहराच्या राजकारणात प्रचंड खळबळ उडाली आहे. वरिष्ठांच्या अचानक घेतलेल्या निर्णयांवर स्थानिक पातळीवरील कार्यकर्त्यांसह समर्थकांमध्ये ही नाराजीचा स्फोट झाल्याचे दिसत असून, हा सर्व प्रकार “गुप्त आंतरिक डावपेचांच भाग” असल्याची चर्चा चांगलीच रंगली आहे.
मुदखेड ची लोकसंख्या ५३% हिंदू, ३०% मुस्लिम आणि १५% अनुसूचित जाती अशी असताना दोन्ही पक्षांनी दिलेले तिकीट संयोजन आश्चर्यकारक ठरले आहेत. या मध्ये प्रामुख्याने ब्राम्हण व मारवाडी समाजाला दोन्ही प्रमुख पक्षांनी उमेदवारी दिली नाही. आणि गेल्या वेळी सुद्धा उमेदवारी दिली नव्हती. या वेळी मुन्ना ( पृथ्वीराज ) चौधरी हे प्रभाग क्रमांक ०६ ( ब ) मध्ये अपक्ष उमेदवार आहेत. तर मुन्ना ( पुरुषोत्तम ) चांडक यांचे वडील प्रभाग क्रमांक ०४ ( ब ) मध्ये अपक्ष उमेदवार आहेत.
काँग्रेसने अध्यक्षपदासाठी सवर्ण उमेदवार जाहीर करताना प्रभागांमध्ये ७ मुस्लिम आणि १ आर्य वैश्य ( नगर अध्यक्ष ) तिकीट दिले. या निर्णयानंतर पक्षातील ओबीसी आणि मराठा गटात उघड असंतोष दिसत आहे. काही ठिकाणी कार्यकर्त्यांनी अंतर्गत बैठका घेऊन तीव्र नाराजी नोंदवल्या ची माहिती मिळते.
तर दुसरीकडे भाजपने अध्यक्षपदी मराठा चेहऱ्यांवर विश्वास दाखवला असला तरी प्रभाग पातळींवर ७ मुस्लिम उमेदवारांना दिलेल्या उमेदवारीमुळे पक्षाच्या कोअर समर्थकांमध्ये आश्चर्य आणि संभ्रमाचे वातावरण निर्माण झाले आहे.या दोन्ही पक्षांत एकाच वेळी निर्माण झालेल्या दुराव्या मुळे राजकीय वर्तुळात एकच प्रश्न घुमतो आहे. वरीष्ठांनी जाणूनबुजून दोन्ही पक्षातील समीकरणे ढवळून काढली आहेत का?”
यामुळे स्वतंत्र उमेदवारांना मोठी संधी निर्माण होत असल्याचे जाणकारांचे म्हणणे आहे. काही संभाव्य बंडखोर उमेदवारांनीही मैदानात उतरण्याची तयारी सुरू केल्याची विश्वसनीय माहिती मिळते.मुदखेडचे राजकारण उमेदवारी वाटपामुळे तापले असून, एकूणच शहरात कोणता गुप्त खेळ सुरू आहे?” यावर चर्चा शिंगेला पोहोचली आहे.
