अक्कलकोट – सुसंस्कृत प्रतिमा, विकासाचा दृष्टिकोन आणि सामान्य जनतेवरील प्रेम या त्रिसुत्रीमुळे नगरसेवक महेश मालक इंगळे यांचे व्यक्तीमत्व काळजात स्थान निर्माण करणारे व्यक्तीमत्व असल्याचे मनोगत यशकल्याणी सेवाभावी संस्था करमाळा व पुणेचे संस्थापक अध्यक्ष तथा मायक्रो बायोलॉजी सोसायटी ऑफ इंडियाचे आजीवन संचालक प्रा.गणेश करे-पाटील यांनी व्यक्त केले. ते नुकतेच यशकल्याणी सामाजिक संस्थेच्या पदाधिकाऱ्यांसह येथील श्री वटवृक्ष स्वामी महाराज मंदीरास भेट देवून श्री.स्वामी समर्थांचे दर्शन घेतले.
यावेळी मंदीर समितीचे चेअरमन व नगरसेवक महेश इंगळे यांची भेट घेवून सलग ६ व्यांदा नगरसेवकपदी निवड झाल्याबद्दल नगरसेवक महेश इंगळे यांचा पुणे व करमाळा येथील यशकल्याणी सेवाभावी संस्था व सोलापूर जिल्हा इंग्लिश टिचर्स असोसिएशन यांच्या वतीने प्रा.गणेश करे-पाटील यांनी पुष्पहार, पुष्पगुच्छ, शाल, श्रीफळ देवून यथोचित सन्मान केला.
यावेळी प्रा.गणेश करे-पाटील बोलत होते. पुढे बोलताना प्रा.गणेश करे-पाटील यांनी नगरसेवक महेश मालक इंगळे हे श्री.वटवृक्ष स्वामी महाराज देवस्थान प्रमुख पदाच्या माध्यमातून स्वामी सेवेत व भाविकांच्या सेवेत कोणतीही कसर न ठेवता आपले सर्व कौशल्य पणाला लावून अक्कलकोट शहरातील राजकीय व सामाजिक क्षेत्रात दिर्घकाळ आपल्या सेवेची व्याप्ती जीवंत ठेवली आहे. त्यांच्या सामाजिक, राजकीय, व धार्मिक क्षेत्रातील योगदानाची दखल घेवून या पुर्वीही त्यांचा यश कल्याणी संस्थेच्या वतीने पुरस्कार देवून गौरव करण्यात आला आहे.
त्यांच्या पुढील जीवन वाटचालीस आमच्या शुभेच्छा असल्याचे मनोगत व्यक्त केले. यावेळी प्रथमेश इंगळे, सोलापूर जिल्हा इंग्लिश टीचर्स असोसिएशनचे अध्यक्ष बाळकृष्ण लावंड, माजी जिल्हा अध्यक्ष प्रा.गुरुनाथ मुचंडे, अक्कलकोट तालुका अध्यक्ष प्रा.बसय्या हिरेमठ, पक्षीमित्र प्रा.कल्याणराव साळुंके, जीवन शिक्षण फाउंडेशनचे अध्यक्ष प्रा.जयेश पवार, प्रा.सुरेश पिरगुंडे, प्रा.सचिन काटे, जीवन शिक्षण फाउंडेशनचे अध्यक्ष प्रा.जयेश पवार, प्रा.सुरेश पिरगुंडे, प्रा.सचिन काटे, यशवंत परिवाराचे प्रा.विष्णू शिंदे, प्रा.गोपाळ तकिक, प्रा.मारुती जाधव, प्रा.विजयकुमार वणवे, प्रा.निवृत्ती बांडे, मंदीर समितीचे सचिव आत्माराम घाटगे, विश्वस्त महेश गोगी, मंदीर समितीचे विश्वस्त तथा करमाळा पंचायत समितीचे मा.सभापती संपतराव उर्फ भारत मामा शिंदे, अक्कलकोट येथील सराफ व्यापारी अंकूश केत, श्रीशैल गवंडी, प्रा.शिवशरण अचलेर, संतोष पराणे, मनोज इंगुले, सुनिल पवार, बाबा सुरवसे, श्रीकांत मलवे, धनराज स्वामी, दर्शन घाटगे, प्रसाद पाटील सर, विपूल जाधव आदींसह भाविक भक्त उपस्थित होते.
फोटो ओळ – नगरसेवक तथा देवस्थानचे चेअरमन महेश इंगळे यांचा श्री वटवृक्ष स्वामी महाराज देवस्थान कार्यालयात सत्कार करताना प्रा.गणेश करे-पाटील व अन्य दिसत आहेत.
