सोलापूर – शहरात ५ ठिकाणी घरफोडी केलेला सराईत आरोपी गुन्हे शाखेने जेरबंद केला आहे. यामध्ये ५१ ग्रॅम वजनाचे सोन्याचे दागिने व ८२० ग्रॅम वजनाचे चांदीचे दागिने असा एकुण ३,७२,८०० रुपयांचा मुद्देमाल हस्तगत करण्यात आला आहे.
दि. ३१ डिसेंबर २०२५ रोजी सदर बझार पोलीस ठाणे येथे दिवसा घरफोडी संदर्भात गुन्हा दाखल झाला होता. सदर घरफोडीचा गुन्हा उघडकीस आणण्याच्या दृष्टीकोनातून संशयित आरोपीबाबत गुप्त बातमीदारामार्फत मिळालेल्या माहितीच्या आधारे त्यास सापळा रचून शिताफिने ताब्यात घेतले. त्याचे नाव किसन महादेव व्हनकोरे वय 29 वर्षे, व्यवसाय मजुरी, राहणार दादावस्ती, लोहगाव, पुणे, मुळ रा.मु. पो. वाघदरी, ता. अक्कलकोट, जि. सोलापूर असे असल्याचे समजले. शहरामध्ये एकुण ५ ठिकाणी घरफोडी केले असल्याबाबत निष्पन्न झाले.
अशाप्रकारे वरील ५ गुन्हे उघडकीस आणुन पाच ही गुन्हयातील चोरीस गेलेल्या मालमत्तेपैकी ५१ ग्रॅम (५.१ तोळे) वजनाचे सोन्याचे दागिने व ८२० ग्रॅम (८२ तोळे) वजनाचे चांदीचे दागिने असा एकुण ३,७२,८००/- रुपयांचा मुद्देमाल हस्तगत करुन गंभीर स्वरुपाचे घरफोडीचे गुन्हे कौशल्याने व सातत्यपुर्ण तपास करुन उघडकीस आणले आहेत.
सदरची कामगीरी पोलीस आयुक्त, पोलीस उप-आयुक्त, सहा. पोलीस आयुक्त, वरिष्ठ पोलीस निरीक्षक गुन्हे शाखा यांच्या मार्गदर्शनाखाली सपोनि दत्तात्रय काळे आणि पोउपनि मुकेश गायकवाड व पथकातील अंमलदार नंदराम गायकवाड, वाजीद पटेल, योगेश बर्डे, अनिल जाधव, महेश शिंदे, कुमार शेळके, संजय साळुंखे, महेश पाटील, राजु मुदगल, अजिंक्य माने, महेश रोकडे, राजेश मोरे, सिध्दाराम देशमुख, अजय गुंड, भारत पाटील, चालक महेंद्र ठोकळ, शाम सुरवसे, बाळु काळे, सतिश काटे, सायबर शाखेकडील प्रकाश गायकवाड, मच्छिंद्र राठोड यांनी केलेली आहे.
