माळशिरस – अज्ञात वाहनांच्या धडकेत एक ठार तर एक गंभीर जखमी झाल्याची घटना रात्री १२ ते एक या सुमारास आळंदी पंढरपूर पालखी मार्गावर पुरुंदावडे येथे घडली असून लक्ष्मण होनमाने ( वय १९ वर्षे)असे मृत झालेल्या तरुणाचे नाव आहे .
याबाबत मिळालेली माहिती अशी कि लक्ष्मण होनमाने खोरेवस्ती भांबूर्डी ता,माळशिरस हा लातूर भागात ट्रक्टर वर चालक म्हणून काम करीत होता .काल रात्री तो कामावरून नातेपुते येथे घरी जाण्यासाठी आला .रात्री नातेपुते वरून घराकडे येण्यास वाहन नसल्याने त्याने फोन करून प्रज्योत गोफणे या मित्रास बोलावून घेतले.दोघे आपल्या मोटार सायकल न एम एच ११ सील ५९७७ या मोटार सायकल वरून घरी येत असता पुरुंदावडे येथे ओव्हर ब्रीज वरती अज्ञात वाहनाने त्यांच्या मोटार सायकलला जोरात धडक दिली .
।यामध्ये लक्ष्मण होनमाने हा तरुण ठार झाला तर प्रज्योत गोफणे (वय २० वर्षे ) हा गंभीर जखमी झाला असून त्यास अकलूज येथील खाजगी हॉस्पिटल मध्ये दाखल करण्यात आले असून याबाबत अद्याप पोलिसात गुन्हा दाखल झाला नाही .
महामार्ग झाल्याने अपघाताचे प्रमाण वाढले आहे.
