वेळापूर – येथील श्री बृहन्मठ येथे जेष्ठ मठाधिपती श्री. ष. ब्र. १०८ शिवाचार्य शिरोमणी मुक्तेश्वर महास्वामी यांच्या अमृत महोत्सव व सुवर्ण पट्टाभिषेक महोत्सवानिमित्त दि. ९ एप्रिल २०२६ ते १३ एप्रिल २०२६ या कालावधीत विविध धार्मिक कार्यक्रमांचे भव्य आयोजन करण्यात आले आहे.
या महोत्सवाची सुरुवात दि. ९ एप्रिल २०२६ रोजी पहाटे ६.०० वाजता ध्वजारोहणाने होणार आहे. त्यानंतर पहाटे ६.३० ते सकाळी ८.०० या वेळेत गुरुगादीस रुद्राभिषेक, सकाळी ८.३० ते ११.०० या वेळेत गणेश याग व महारुद्रयाग स्वाहाकार तसेच श्रीगुरूंच्या हस्ते दाम्पत्यांना शुभाशीर्वाद दिले जाणार आहेत.
सकाळी ११.०० ते दुपारी २.०० या वेळेत भजन-कीर्तन व संगीत कार्यक्रम, दुपारी ४.०० ते सायंकाळी ७.०० या वेळेत नवचंडी याग स्वाहाकार, सायंकाळी ७.३० ते ७.४५ या वेळेत श्रीगुरूंचे तुलाभार व श्रीगुरूंच्या हस्ते दाम्पत्यांना शुभाशीर्वाद, तर रात्री ८.०० ते ९.०० या वेळेत धर्मसभा असा दैनंदिन कार्यक्रम दि. ९ ते ११ एप्रिल या तीन दिवसांत पार पडणार आहे.
दि. १२ एप्रिल २०२६ रोजी सकाळी १०.०० वाजता अय्याचार व शिवदिक्षा संस्कार कार्यक्रमाचे आयोजन करण्यात आले असून यासाठी पूर्व नोंदणी सुरू आहे.
—————————————
पाचही जगद्गुरूंची वेळापूर शहरातून अड्डापालखी मिरवणूक
१२ एप्रिल रोजी दुपारी ४.०० ते रात्री ८.०० या वेळेत
पाचही जगद्गुरूंची भव्य-दिव्य अड्डापालखी मिरवणूक (पालखी मैदान ते श्री बृहन्मठ वेळापूर) काढण्यात येणार आहे.
या मिरवणुकीत
रंभापुरी पीठाचे श्री. श्री. श्री. १००८ वीरसिंहासनाधिश्वर प्रसन्न रेणुक वीरसोमेश्वर शिवाचार्य महास्वामीजी,
उज्जैन पीठाचे श्री. श्री. श्री. १००८ सद्धर्मसिंहासनाधिश्वर सिद्धलिंग राजदेशीकेंद्र शिवाचार्य महास्वामीजी,
श्रीशैल पीठाचे श्री. श्री. श्री. १००८ सुर्यसिंहासनाधिश्वर डॉ. चन्नसिद्धराम पंडिताराध्य शिवाचार्य महास्वामीजी,
काशी पीठाचे श्री. श्री. श्री. १००८ ज्ञानसिंहासनाधिश्वर डॉ. चंद्रशेखर शिवाचार्य महास्वामीजी,
तसेच काशी पीठाचे श्री. श्री. श्री. १००८ ज्ञानसिंहासनाधिश्वर डॉ. मल्लिकार्जुन विश्वाराध्य शिवाचार्य महास्वामीजी
या पंचाचार्य जगद्गुरूंचे दिव्य सान्निध्य लाभणार आहे.
—————————————
यानंतर रात्री ८.०० वाजता पंचाचार्य जगद्गुरूंच्या दिव्य सान्निध्यात व अनेक शिवाचार्यांच्या उपस्थितीत धर्मसभा होणार असून त्यानंतर उपस्थितांना महाप्रसाद वाटप करण्यात येणार आहे.
महोत्सवाचा समारोप दि. १३ एप्रिल २०२६ रोजी सकाळी ९.०० वाजता जगद्गुरूंच्या दिव्य सान्निध्यात श्री बृहन्मठ वेळापूरचे जेष्ठ मठाधिपती श्री. ष. ब्र. १०८ शिवाचार्य शिरोमणी मुक्तेश्वर महास्वामी यांना हरिद्रलेपन व अभ्यंग स्नान घालून करण्यात येईल. त्यानंतर सकाळी १०.३० वाजता उपस्थित शिवाचार्य, संत-महंत तसेच सामाजिक, राजकीय व विविध क्षेत्रातील मान्यवरांचा सत्कार सोहळा पार पडेल.
सकाळी ११.०० वाजता शिवाचार्य धर्मसंदेश व पंचाचार्य जगद्गुरूंचे प्रमुख आशिर्वचन झाल्यानंतर धर्मसभेची सांगता होऊन उपस्थितांना महाप्रसाद देण्यात येईल.
या ऐतिहासिक धार्मिक सोहळ्यास सर्व भाविकांनी सहकुटुंब उपस्थित राहून पंचाचार्य जगद्गुरूंचे दर्शन, कार्यक्रमांचा लाभ व गुरूकृपा घ्यावी, असे आवाहन श्री बृहन्मठ वेळापूरचे नूतन मठाधीपती श्री. ष. ब्र. १०८ सदाशिव शिवाचार्य महास्वामी यांच्या वतीने करण्यात आले आहे.
