सोलापूर : एमआयटी विश्वप्रयाग विद्यापीठ सोलापूर येथे सोलापूर महानगरपालिकेच्या सहकार्याने “SAMVED २०२६” या स्मार्ट गव्हर्नन्स हॅकाथॉनचे आयोजन करण्यात आले आहे. यामध्ये निवडलेल्या २५ अंतिम संघांना १५ एप्रिल २०२६ रोजी एमआयटी विश्वप्रयाग विद्यापीठात अंतिम सादरीकरणासाठी आमंत्रित करण्यात आले आहे. तसेच १६ एप्रिल २०२६ रोजी अंतिम प्रकल्पांचे प्रदर्शन व पारितोषिक वितरण समारंभ एमआयटी विद्यापीठाच्या परिसरात आयोजित करण्यात आला आहे, अशी माहिती महापालिका महापालिका आयुक्त डॉ. सचिन ओम्बासे यांनी पत्रकार परिषदेत दिली.
एमआयटी विश्वप्रयाग विद्यापीठ, सोलापूर येथे सोलापूर महानगरपालिकेच्या सहकार्याने “सामवेद
(SAMVED) २०२६” या स्मार्ट गव्हर्नन्स हॅकाथॉनचे आयोजन करण्यात आले होते. या उपक्रमात उच्च शिक्षण संस्था, महाविद्यालये आणि विद्यापीठांमधील विद्यार्थ्यांनी मोठ्या उत्साहाने सहभाग नोंदवला आहे. या उपक्रमाअंतर्गत सोलापूर महानगरपालिकेकडून पाच महत्त्वाच्या पाणीपुरवठा, रस्ते, सॅनिटायझेशन , आरोग्य निर्देशांक या पाच नागरी समस्या विद्यार्थ्यांसमोर मांडण्यात आल्या असून, त्यावर हे आहे तंत्रज्ञाच्या आधाराने नाविन्यपूर्ण आणि व्यवहार्य उपाय शोधण्यात येत आहेत.
या हॅकाथॉनला देशातील १० राज्यांमधून एकूण ५४६ विद्यार्थी संघांनी नोंदणी केली, त्यापैकी ५०७ संघांनी आपले आयडिया सादर केले. या कल्पनांचे मूल्यांकन शैक्षणिक व औद्योगिक तज्ज्ञांकडून करण्यात आले.मूल्यांकनानंतर ७५ संघांची पुढील टप्प्यासाठी निवड करण्यात आली, ज्यांना आपले उपाय प्रोटोटाइप स्वरूपात विकसित करण्याची संधी देण्यात आली. प्री-फायनल मूल्यांकन टप्प्यात २५ संघांची निवड करण्यात आली, ज्यामध्ये उपायांची गुणवत्ता आणि व्यवहार्यता लक्षात घेण्यात आली. या टप्प्यात शैक्षणिक, औद्योगिक तज्ज्ञ तसेच सोलापूर महानगरपालिकेचे अधिकारी सहभागी होते. आवश्यकतेनुसार या प्रकल्पाची अंमलबजावणी शहरात करण्यात येणार आहे.
या निवडलेल्या २५ अंतिम संघांना १५ एप्रिल २०२६ रोजी एमआयटी विश्वप्रयाग विद्यापीठात अंतिम सादरीकरणासाठी आमंत्रित करण्यात आले आहे. तर गुरुवार दिनांक १६ एप्रिल २०२६ रोजी अंतिम प्रकल्पांचे प्रदर्शन व पारितोषिक वितरण समारंभ विद्यापीठाच्या परिसरात होणार आहे. या कार्यक्रमासाठी सोलापूर जिल्ह्याचे पालकमंत्री जयकुमार गोरे हे प्रमुख पाहुणे म्हणून उपस्थित राहणार आहेत. तसेच प्रा. अच्युत गोडबोले, प्रा. कृष्णा वेदुला, प्रा. विल्यम ओक्स, कार्यकारी अध्यक्षा
प्रा. स्वाती चाटे कराड, कुलगुरू प्रा. गोपाळकृष्ण जोशी , आणि महापालिका आयुक्त डॉ. सचिन ओम्बासे आदींसह मान्यवर उपस्थित राहणार आहेत.
या पत्रकार परिषदेस महापालिका उपायुक्त आशिष लोकरे, एमआयटीचे डॉ. दर्शन रुईकर, डॉ. आनंद शिंपी आदी उपस्थित होते.
